Наманганда коллеж ўқувчилари синфдошини уриб ўлдирди

Наманган вилоятининг Тўрақўрғон туманидаги Шаханд агроиқтисодиёт коллежининг ўқувчилари ўз синфдошини 1 июнь куни уриб ўлдирди. Бу ҳақда хабар берган воқеа гувоҳларидан бирининг айтишича, ўлган бола “мен рўзадорман, уришмайман”, деганига қарамасдан уни ўртага олиб тепишган.

Тўрақўрғон туманидаги Шаханд агроиқтисодиёт коллежининг 2-босқич талабаси 19 яшар А.Т.1 июнь куни тушга яқин ўз синфдошлари калтагидан сўнг вафот этди.

Бу воқеа ҳақида хабар берган, исми сир қолишини сўраган коллеж ўқитувчиларидан бирининг айтишича, фожиага олиб келган бу жанжал коллеж ҳовлисидан бошланган.

– Боланинг синфдошларидан бирининг менга айтишича, аввал коллежнинг ичкарисида жанжал бўлган. Кейин уч бола уни коллеждан ташқарига туртиб, ниқтаб олиб чиқишган. Коллеждан ўнг томонга юришганда, у бола тўхтаб синфдошларига “мен рўза тутганман, мен ҳеч ким билан уришмайман” деган ва орқага қайтмоқчи бўлиб юрган. Шунда ўша уч боладан бири бориб урган ва қолганлари ёпишган. Бола қаршилик кўрсатмаган ва болалар уни ерда роса уриб тепишган. Бола ҳушидан кетиб ётиб қолган ва ўша жойнинг ўзида вафот этган, дейди ўқитувчилардан бири.

Ўқитувчининг айтишича, марҳум ўқувчи коллежда яхши ўқиган, одобли болалардан бири бўлган.

Наманган вилояти ички ишлар бошқармасининг мулозими А.Т.ни калтаклашда иштирок этган болалар ушланганини айтди. “Бу болалар ҳаммаси синфдошлар. Ҳақиқатан ҳам бола рўзадор бўлган экан. Ҳозир у болалар қўлга олинган, суриштирув ишлари олиб бориляпти. Бу воқеа юзасидан жиноят иши очилган”, деди ички ишлар бошқармаси мулозими.

Коллеж талабасининг фожиали ўлимига олиб келган низонинг сабаблари ошкор қилинмади.

Бўлишинг:

Муҳаррир танлови

Ўзбекистонликлар ўз фуқаролигини йўқотиши мумкин

Хорижий давлатларга доимий яшашга чиқиб кетган Ўзбекистон Республикаси фуқароларининг 1150 кишилик рўйхати эълон қилинди, деб ёзади “Соф.уз” сайти. Ўзбекистоннинг Россиядаги ...

Угандада 46 киши очликдан ўлди

Шарқий Африка давлатларидан бири Угандада бир неча ой давом этган қурғоқчилик сабабчи бўлган очарчиликдан 46 киши вафот этди. Караможа депутати Файт Накут матбуотга берган ...

Тенгсизлик қаердан келиб чиқмоқда?!

Анчадан буён бир нарса ҳақида ўйлаб юрардим. Биз кўриб турган телевидиниянинг иш юритиш, ахборот узатиш, олиш, кўрсатувлар савиясида мана катта икки йилдирки, Президент бир ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400