Қорақалпоғистонда тўрт яшар қиз болалар поезди тагида қолиб ҳалок бўлди

Тўрткўл шаҳридаги “Ёшлар” истироҳат боғидаги аттракционда 31 май куни тўрт яшар қиз нобуд бўлди. Воқеа гувоҳларининг айтишича, болалар поезди қизалоқни босиб ўтиб кетган.

Тўрткўл шаҳридаги “Ёшлар” истироҳат боғида ўйнагани онаси билан бирга келган 4 яшар қизалоқ ўйинчоқ поезд остида қолиб ҳалок бўлди. Воқеа Халқаро болалар кунидан бир кун олдин, 31 май куни содир бўлди.

Тўрткўл туман ҳокимининг ёшлар ишлари бўйича ўринбосари Хайрулла Матназаров тўрт яшар қизалоқ аттракционда ҳалок бўлганини тасдиқлади.

– Панжараси бор, лекин эгаси хавфсизликка риоя қилмаган. Бу аттракцион давлатники эмас, тадбиркорларники. Хавфсизлик камарлари бор. Ҳозир мазкур воқеа бўйича ички ишлар текширув олиб бориляпти. Аттракционнинг ўзи ҳам хавфсизлик бўйича яна текшириляпти. Натижаси чиқса айтамиз, – деди Хайрулла Матназаров.

Тўрткўллик оналардан бирининг воқеага бевосита гувоҳ бўлган қўшнисининг гапига таяниб айтишича, аттракцион эгаларининг оддий техника хавфсизлигига риоя қилмагани бу фалокатга сабаб бўлган.

– Бола 1 июндан бир кун олдин онаси билан боғга айланишга борган. Болаларни миндириб айланадиган поезд ўйингоҳининг атрофидаги панжаранинг ораси катта-катта қилиб, бола ўтадиган даражада қилинган экан. Бола ўша ердан ўтиб кетиб, поезднинг олдига бориб кўриб турган. Шунда хавфсизликни текширмаган оператор поездни юргизиб юборган ва боланинг қорнидан босиб кетган. Қўшнимнинг айтишича, поезд боланинг қорнидан босиб кетган. Бола ўша жойнинг ўзида ҳалок бўлган, – деди тўрткўллик оналардан бири.

Яна бир тўрткўллик оталардан бирининг айтишича, истироҳат боғига қурилган аттракцион умрини ўтаб бўлган.

– Бир йил олдин Тошкентдан, у ёқ, бу ёқдан эски аттракционларни олиб келиб қуришди. Хавфсизлик камарлари йўқ, бўлса ҳам эскириб, яроқсиз ҳолга келиб қолган. Буларга пул бўлса бўлди, хавфсизликка умуман эътибор беришмайди. Мен болаларимни бу атрракционга олиб боришга қўрқаман, – деди тўрткўлликлардан бири.

Бўлишинг:

Муҳаррир танлови

Угандада 46 киши очликдан ўлди

Шарқий Африка давлатларидан бири Угандада бир неча ой давом этган қурғоқчилик сабабчи бўлган очарчиликдан 46 киши вафот этди. Караможа депутати Файт Накут матбуотга берган ...

Булунғур тумани ҳокими баҳодир баҳромов: аксариятимиз халқ билан очиқ мулоқотларга тайёр эмасмиз

Булунғур тумани ҳокими Баҳодир Баҳромов – Маҳалламизда электр энергияси ўчиб қолди, “Очиқ мулоқот”ни кўролмаяпмиз… Булунғур тумани ҳокими Баҳодир Баҳромов, сектор раҳбарлари, ...

Испания қуролли кучлари тарихида илк марта аёл киши генерал бўлди

56 ёшли Патрисия Ортега Гарсияга генераллик унвонининг берилиши қиролликнинг вазирлар маҳкамаси томонидан маъқулланди, деб ёзмоқда " ЎзА" нашри. Ортега бундан ўттиз йиллар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400