Тожикистонда сўғдлик аёл тўрт эгизакли бўлди

Сўғд вилоятининг Бобожон Ғофуров туманида яшовчи 35 ёшли аёл – Назокат Ходибоева тўрт нафар эгизак фарзандни дунёга келтирди. Чақалоқлар Хўжанддаги вилоят туғруқхонасида 13 июнь куни тунда дунёга келди.

Туғруқхонанинг 14 июнь куни маълум қилишича, эгизакларнинг уч нафари ўғил бола, бир нафари қиз бола. Ўғил болалар 2,3 кг оғирлигида, қиз эса – 1,7 кг оғирлигида туғилди.

«Чақалоқлар ҳомиладорликнинг 35-ҳафтасида, белгиланган муддатдан сал олдинроқ туғилди. Бироқ, шунга қарамай, уларнинг саломатлиги қониқарли, чақалоқлар шифокорлар назоратида вакуумда ушлаб турилибди», – деди туғриқхона шифокорларидан бири.

13 июнь, чоршанба куни она ва болаларни Бобожон Ғофуров тумани вакиллари бориб кўришди. Вакиллар уларни ҳар томонлама қўллаб-қувватлашга ишонтиришди.

Тўрт нафар эгизакнинг онаси Назокат Ходибоева фаррош бўлиб ишларди, эри эса тез тиббий ёрдам машинасининг ҳайдовчиси эди. Уларнинг тўрт нафар фарзанди бўлиб, энг каттаси 15 ёшда.

Бундан аввал, 14 май куни тожикистонлик талабалар оиласида тўрт эгизак – уч қиз ва бир ўғил дунёга келган эди.

Тожикистон расмийлари 26 май куни мамлакат аҳолиси 9 миллион кишига етгани борасида баёнот берди. Туғилиш бўйича Тожикистон собиқ совет республикалари орасида етакчилик қилиб келади. Расмий статистик маълумотларга кўра, ҳар йили мамлакат аҳолиси 2,2 фоизга ёки 200 минг кишига кўпаяди.

Бўлишинг:

Муҳаррир танлови

Жаҳонга машҳур яна бир ўзбек миллиардери

Жаҳонга машҳур бизнесмен ҳамюртларимиздан – Алишер Усмонов, Искандар Маҳмудов, Фаттоҳ Шодиев ҳақида кўпроқ биламиз. Улар билан сайтимиз саҳифаларида танишгансиз. Бугун эса ...

Бизнинг ўзбекистон дунёнинг энг камбағал 30-40 та мамлакатига кирадими?

Ўзбекистонлик танишларимдан “Бизда ЯИМ рақамлари реал шароитни акс эттирмайди чунки бизда хуфёна (яширин) иқтисодиёт жуда катта” деган гапларни тез-тез эшитиб тураман. ...

Дунёни ўзгартирган кун. буюк француз инқилоби ҳақида

14 июль Францияда миллий байрам куни сифатида нишонланади. Бу сана тарихга Бастилия қамоқхонасининг ишғол этилиши сифатида кирган ва Францияда миллий байрам куни деб эълон ...