ЗАРБДОРЛИК ЭНГ ЯХШИ ОШПАЗ

Ёзнинг жазирама иссиқ кунлари ҳам бошланди. Умумий овқатланиш муассасалари ошпазларидан янаям моҳирлик, маҳорат ва масъулият билан ишлаш талаб этиладиган фасл.

Масъулият истеъмол  маҳсулотлари ва таомлар сифатининг кафолатланганлиги, гигиена қоидаларига тўлиқ риоя этишда бўлса, моҳирлик ва маҳорат эса  таомнома учун ёз фаслига хос овқатларни танлай билиш ва одатдаги рецептларга қўшимча ёз фаслига мос рецептларни ҳам қўллай билишдадир.

Гап, айниқса, болажонларимиз учун тайёрланаётган овқатлар хусусида бўлса, масъулият ва талаблар янада ортади.

Шу кунларда республикамиз бўйлаб мактабгача таълим муассасалариаро ажойиб кўрик-танлов  мусобақалари бўлиб ўтмоқда.

Ўзбекистон Президентининг 2017 йил 9 сентябрдаги  “Мактабгача таълим тизимини тубдан такомиллаштириш чора-тадбирлари тўғрисида”ги қарорида белгиланган вазифалар ижросини таъминлаш мақсадида Мактабгача Таълим Вазирлигининг 2018 йил 23 майда ишлаб чиқарилган ташаббуси бўйича  Ўзбекистон ошпазлар уюшмаси билан  ҳамкорликда  жойларда “Йилнинг энг намунали ошхонаси” ва “Йилнинг энг яхши мактабгача таълим муассасаси ошпази” каби йўналишларда кўрик-танловлар бўлиб ўтмоқда.

Ушбу кўрик-танловларни ўтказишдан асосий мақсад ҳамкорликда таълим муассасаларида соғлом овқатланишни ташкил этиш, илғор муассаса тажрибаларини оммалаштириш, ошпазлар маҳорати ва малакасини ошириш, уларни рағбатлантириш йўли билан ошпазларнинг ишга масъулияти, интилиш ва изланишларини янада такомиллаштиришдир.

Куни кеча Жиззах вилояти Зарбдор туманида ҳам мактабгача таълим муассасалариаро мазкур кўрик-танлов мусобақалари бўлиб ўтди.

 “Йилнинг энг яхши мактабгача таълим муассасаси ошпази” йўналиши бўйича  “Бирдамлик” ХДҲ фаоли Малоҳат Абдуллаева  танлов иштирокчилари ва тумандаги ўзи каби ошпазларнинг барчасини қойил қолдириб, ошпазлик санъати меҳнатлари муносиб баҳоланганлиги боис биринчи ўринни олди.

Сафдошимизнинг ушбу ютуғидан биз ҳам бениҳоя қувондик. Махсус диплом билан тақдирланганларидан эса фахртуйдик.

Малоҳат опа, кўзимиз қувончи – келажагимиз  ишончи ва таянчи ҳисобланмиш болажонларимизга мазали овқатлар пиширишдан асло чарчаманг!

Ошпазлик маҳоратингиз бардавому баркамол бўлиб, ошпазлик санъатингиз бунданда гуллаб-яшнайверсин!..

Муаллиф: Дилфуза Жавоҳир Лангар

Бўлишинг:

Муҳаррир танлови

Остона хорижий ташувчилар устидан назорат кучайтирилганини эълон қилди

Қозоғистон тараққиёт ва инвестициялар вазири Женис Қасимбек 17 октябрь куни Остонада ўтказилган брифингда мамлакат ҳудудларида хорижий ташувчилар устидан назорат ...

Ўзбекистондаги ёнилғи қуйиш шахобчаларида ҳожатхоналар бўлиши шарт

Ўзбекистон Республикаси Вазирлар Маҳкамасининг 2019 йил 21 сентябрдаги 793-сонли қарорига кўра 2020 йилнинг 1 мартидан бошлаб барча автомобилларга ёнилғи қуйиш шахобчаларида ...

Асака: “ҳамкорбанк”нинг зўравонлари

Мамлакатимиздаги миллионлаб "дангасалар" қаторида жияним ҳам чет элда тирикчилик қилиб юрибди. Куни-кеча синглимга ишлаб топган пулидан жўнатган экан. Синглим пулни олиш учун ...