Душанбе шаҳар мэри Рустами Эмомалининг сохта саҳифасининг келиб чиқишини текширмоқда

Душанбе шаҳар мэри Рустами Эмомалининг сохта саҳифасининг келиб чиқишини текширмоқда

Душанбе мэрияси Тожикистон Ички ишлар вазирлигига мурожаат қилиб Фейсбукда пойтахт ҳокими Рустами Эмомалининг сохта саҳифасининг келиб чиқишини ўрганиш борасида илтимос қилди. Бу ҳақда 18 июнm куни Душанбе шаҳар мэри расмий вакили Абдумажид Усмонзода маълум қилди.

Айни дамда Фейсбукда гўёки Рустами Эмомалига тегишли бўлган учта сохта саҳифа пайдо бўлди. Бу саҳифаларда шаҳар маъмуриятининг фаолияти ҳақида янгиликлар эълон қилинади. Ўнлаб шаҳарликлар Фейсбукда Рустами Эмомалининг саҳифаси пайдо бўлганини табриклашмоқда, айримлар мэрга шаҳар хизматлари ҳақида шикоятлар ёки ўз мавзеларидаги хўжалик муаммоларини ҳал қилиш масаласида илтимослар билан мурожаат қилишган.

​«Бу саҳифалар –сохта ва Душанбе шаҳар мэрига мутлfқо алоқаси йўқ. Фейсбукда Рустами Эмомалининг саҳифаси йўқ. Тўғри, сохта саҳифаларда таҳқирловчи ҳужумлар йўқ, шунга қарамай мэрия саҳифаларнинг келиб чиқишини аниқлаш мақсадида ТР ИИВга мурожаат қилишга қарор қилди. Биз текширувлар натижаларни кутаяпмиз», – деди Абдумажид Усмонзода.

Эслатиб ўтамиз, бундан аввал Душанбе мэриясининг ўз вебсайти бор эди. Mometavonem.tj сайти 2012 йилнинг январида ўша вақтдаги шаҳар ҳокими Махмадсаид Убайдуллаев ташаббуси билан ташкил этилган ва ҳар бир фойдаланувчига ўз мурожаатини зудлик билан рўйхатдан ўтказиш имкониятини берар эди. Бунинг учун фойдаланувчи муаммо манзили ва алоқа учун телефонини кўрсатиши керак эди, холос. Сайт орқали олинадиган барча маълумотлар очиқ бўлиб, шикоятлар статистикаси кўринишида ёки тумандаги муаммони акс эттирарди. Бунинг учун мэр қарорига биноан туман маъмуриятлари ва шаҳардаги коммунал хизматларда махсус хоналар ташкил этилиб, масъул шахслар тайинланган эди.

Вебсайт беш йил мобайнида иш режимида фаолият юритди ва Убайдуллаев мансабидан озод қилиниб, президент Эмомали Раҳмонинг катта ўғли Рустами Эмомли шаҳар ҳокими этиб тайинланганидан сўнг, 2017 йилнинг январ ойи сўнгидан янгиланишни тўхтатди.

Тожикистон президенти матбуот хизматининг Фейсбукда саҳифаси бор. Бироқ, унда президент вебсайт ишлаётгани ҳақидаги маълумотдан бошқа ҳеч нарса йўқ.

Бўлишинг:

Муҳаррир танлови

Лотин алифбосига ўтиш нега кечиктирилмоқда?

Маълумки, қўшни Қозоғистонда жорий йилнинг 27 февралида лотин ёзувига асосланган қозоқ алифбосига ўтиш тўғрисидаги қонун қабул қилинди. Қозоғистондаги бошқа катта-кичик ...

Фарғона шаҳри ҳокими шавкат эркабоев ўрнига ҳамиджон ҳабибиддинов ҳоким бўлди

Жорий йилнинг 20 октябрь куни Халқ депутатлари Фарғона шаҳар Кенгашининг навбатдан ташқари сессияси бўлиб ўтди. Сессияда ташкилий масала кўриб чиқилди. Фарғона вилояти ҳокими ...

Самарқанду бухоро ва душанбе орасида самолётлар қатнайди

Тожикистон Транспорт вазирлиги "Ўзбекистон ҳаво йўллари" ширкатининг Душанбе ва Самарқанду Бухоро шаҳарлари орасида самолётлар қатновини йўлга қўйиш ҳаиқдаги таклифини қабул ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400