Ўзбекистонда йил бошидан буён 13 та янги жомеъ масжиди очилди. Бу ҳақда Ўзбекистон мусулмонлари идораси раиси, муфтий Усмонхон Алимов Қозоғистонда кеча куни бўлиб ўтган “Қардош халқларнинг умумий қадриятлари” мавзусида бўлиб ўтган халқаро анжуманида маълум қилди.
“Фақатгина Сурхондарё вилоятида йил бошидан бошлаб 7та янги жомеъ масжиди ўз фаолиятини бошлади”, – деди Ўзбекистон муфтийси Усмонхон Алимов халқаро форумдаги нутқида.
Қозоғистонда “Қардош халқларнинг умумий қадриятлари” мавзусида бўлиб ўтган халқаро анжуманда Ўзбекистон ва Қозоғистондан 600га яқин иштирокчилар қатнашди. Форум давомида улар ўзларининг иш тажрибалари ва замонавий жамиятда масжид ишчиларининг обрўйи ва жавобгарлик бурчи каби мавзуларда тажриба алмашишди, деб хабар бермоқда маҳаллий ОАВ.
Ташкилотчиларнинг фикрига кўра, учрашув икки қардош мамлакатнинг маънавий ҳамкорлигини мустаҳкамлайди, муқаддас жойлар бўйлаб биргаликда зиёратлар ташкил қилиш, тадқиқот ишлари ўтказиш режалаштирилмоқда.
Эслатиб ўтамиз, аввалроқ маълум бўлганидек, Ўзбекистоннинг йирик трассалари бўйлаб туристлар ва барча йўлда кетаётганларнинг маънавий эҳтиёжи учун мини мачитлар очиш режалаштирилмоқда. Улар бир вақтнинг ўзида 20-30 кишини сиғдира олади. Бунда мини мачитлар жума ибодатлари ва бошқа тантанали йиғилишларни ўтказишга мўлжалланмайди, балки фақат йўлда бораётган кишиларнинг таҳорат олиши ва намоз ўқишига мўлжалланади.
Бундан ташқари, 2017 йилда Тошкент халқаро аэропортида намоз ўқиш учун хоналар очилди.