Тожикистонда шифокорлар 9 ойлик гўдакнинг баданидан 10та нина топди

Миллий Тиббиёт маркази (Караболо) шифокорлари 9 ойлик гўдакнинг баданидан 10та нина топишди, уларнинг фикрича, гўдак ўз ҳолича бу ниналарни ютиб юбоииши мумкин эмас.

Рентген-тадқиқот ниналар бош чаноғи, буруннинг қуйи қисми, оёқ, бўйин ва кўкрак қафаси, шунингдек бола танасининг бошқа қисмларидан топилган. Айрим ниналар терининг ичкарисигача кириб кетгани боис шифокорлар атиги 6та нинани олиб ташлашга муваффақ бўлишди, яна 4 та нина ҳамон гўдакнинг танасида қолмоқда.
Миллий тиббиёт марказининг болалар жарроҳлик бўлими шифокорларининг айтишича, 28 июн куни уларга 9 ойлик болакай Мудассир Каримовнинг қариндошлари мурожжат қилган ва шундан сўнг гўдак зудлик билан шифохонага ётқизилган, унинг баданида ниналар борлиги аниқланди. Шифокорларнинг айтишларича, ниналар болакайнинг баданида салкам уч ойдан бери бўлган.
Болалар жарроҳлиги бўлими мудири Шуҳрат Чориев 3 июл куни «Бугун биз биринчи жарроҳлик амалиётини ўтказдик ва балакайнинг баданидан 6 та нинани олдик. Жарроҳлик амалиёти узоқ давом этишини инобатга олган ҳолда биз қорин ва бош чаноғидаги ниналарни олмасликка қарор қилдик. Ўзингиз тушунасиз, бу каби амалиётларни ўтказиш болакай учун оғир бўлади», деди.
Шифокорларнинг айтишича, агар болакайнинг ўзи ниналарни ютиб юборганида эди, у ҳолда ички органларига зиён етказган бўларди ва ниналар ошқозон-ичак йўлида туриб қолган бўларди.
Мудассир Каримов — Рудакий туманидаги Конституция қишлоғида истиқомат қилувчи оиланинг иккинчи фарзанди. Болакайнинг отаси меҳнат миграциясига кетган, онаси – уй бекаси ва фарзандларини ўзи тарбия қилмоқда. Болакайнинг қаририндошлари ниналар қандай қилиб гўдакнинг ички органларига тушиб қолганини билмасликларини айтишмоқда.
Кичкина мижознинг бувиси Маҳфират Ҳасанованинг айтишича, айрим ниналарни бир ой аввал билиб қолишган, онаси болакайни эмизаётганида милкидаги ниналарни кўриб қолган. «Рамазон ойи эди. Келиним гўдак ухлаб қолмасидан аввал эмизмоқчи бўлган. Бирданига бақириб юборди, ҳамда пинцет олиб келишимизни сўради. Биз пинцетни излаётганимизда, келин нинани милкдан тортиб олди. Нина тўмтоқ эмасди, бироқ нинанинг тешиги жойида эди», — дейди Ҳасанова.
Гўдакни жарроҳлик амалиётида қатнашган шифокорлар бу каби вазият билан илк бор тўқнаш келишганини айтишмоқда. Шуҳрат Чориевнинг айтишича, иккита нина тикув машинасиники бўлган, яна иккита тушунарсиз ўткир металль парчасини топишган. «Яна иккитаси оддий нина эди. Улар янги эмас, гўдак баданида анча туриб қолгани учун жанглай бошлаган эди», -дейди шифокор.
Мудассирнинг қариндошларининг айтишларича, жарроҳлик амалиётига қадар гўдак одатий ҳаёт кечирган, касаллик ёки бошқа безовталиклар борасида шубҳага борилмаган.

Манба: Tnewz.uz 

Бўлишинг:

Муҳаррир танлови

Ўзбекистон халқ шоири хуршид даврондан

Эртага Бўстонлиқнинг сўлим оромгоҳларидан бирида республика ёш ижодкорларининг 1 форуми иш бошлайди. Бир неча кун аввал республика ёш ижодкорлар ассоциацияси раҳбарларидан ...

Дилмурод  саййид: муҳаббатнинг мунгли қиссаси

КРИМИНАЛ — ФОЖЕАВИЙ ҲИКОЯ «Ҳақиқат кутиб тураверади, чунки у қаримайди, доимо  навқирон; эҳтимол, уни таниб ҳам қолишар!»        (Ж.Гюго) СУД ҳукми ўқилди. Шоҳрух тамоман ...

Назарбоев ҳақида халқ билмайдиган 12 қизиқарли маълумот

1. Нурсултон – ота-онасининг Худога илтижосидан кейин туғилган фарзанд. Онаси Алжон Абишга турмушга чиққандан кейин беш йилгача ҳомиладор бӯлмай, Аллоҳдан ӯзларининг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400