Ўзбекистон маориф тизимида порахўрлик юзасидан 83 та жиноий иш қўзғатилган

Ўзбекистонда 2018 йил бошидан бугунга қадар маориф тизимида коррупция, тамагирлик ва мансабни суиистеъмол қилишга доир 83та жиноий иш қўзғатилган, деб хабар беради Бош прокуратура маълумотларига таянган ҳолда Podrobno.uz.

Жиноятларнинг 36 таси коллеж ва академик лицецларда, 31 таси ОТМ ва 16 таси ўрта таълим мактабларида содир этилган. Прокуратура маълумотларига кўра, жиноятларнинг аксарият қисми ОТМга ҳужжатлар қабул қилиш даврида юз берган ва бу вақтда 49 та жиноий иш қўзғатилган.

26 та ҳолатда қўлга олинганлар олий таълим муассасаларига, 21 ҳолатда эса коллеж, лицей ва мактабларга ўқишга киритиб қўйиш учун пора олганлар.

Ҳуқуқ-тартибот органи ходимлари имтиҳон олиш, диплом ва аттестатлар бериш даврида таъмагирлик ҳолатлари кўплаб юз бераётганини аниқлаганлар. ОТМга доир тўртта, махсус ўқув юртларига доир ўн иккита, мактабларга доир иккита мана шундай ҳолатлар кузатилган. Тошкентнинг №247 мактаб директори биринчи синфга ўқувчини қабул қилиш учун 500 минг сўм ($62,5) пора олаётган пайт қўлга олинади.

Иккита аёл Тошкент педиатрия тиббиёт институтига ўқишга киритиб қўйиш учун $15 минг олаётганда ҳибсга олинади. Тошкент давлат педагогика институтида лобарант абитуриентни ўқишга киритиш учун $8 минг сўрайди. Ушбу ўқув даргоҳининг кафедра доцентининг иштаҳаси пастроқ бўлади. У бор-йўғи бундай иш учун $4 минг сўрайди.

Ўзбекистон маориф тизимида кейинги ўн беш йил ичида коррупция икки баробарга кучайган. Президент Шавкат Мирзиёевнинг “Ўзбекистон Рсепубликаси олий таълим муассасаларида 2017-2018 ўқув йилига қабул қилиш тўғрисида”ги фармони давлат комиссиясида қанча абитуриент ва қандай шартнома миқдорида ўқишга киришини белгилайдиган айрим қўли қинғир амалдорларнинг коррупцияга берилиши учун яна бир имконият яратди.

2017 йили олий таълим муассасалари учун «суперконтракт» жорий қилинди, яъни кириш учун керакли балларни тўплолмаган абитуриентларнинг ўқишга кириши учун имконият яратилди. Авваллари “суперконтракт” тартиби пинхона амалга ошириларди, лекин 2017 йил 20 июнидан унга қонуний тус берилди. Бу кўпчиликнинг таълим олишига имкон яратади, лекин келажакда меҳнат бозори юрист ва молиячи каби мутахассисларга тўлиб кетишига замин яратиши мумкин.

Манба: “Фарғона” халқаро ахборот агентлиги

Бўлишинг:

Муҳаррир танлови

Хўжайлида бедарак йўқолган 8 яшар боланинг жасади оқава қувурдан топилди

Қорақалпоғистоннинг Хўжайли туманида бедарак йўқолган 8 яшар боланинг жасади оқава қувурдан топилди. Бу ҳақда «Дарё» нашри ёзмоқда. Иллюстратив фото Хўжайли тумани Ички ...

Ўзбекистонда фуқаролар йиғини раиси энди уч йилга сайланади

“Фуқаролар йиғини раиси (оқсоқоли) сайлови тўғрисида”ги Қонун Президент томонидан имзоланди. Бу ҳақда  Адлия вазирлигининг Huquqiy axborot канали хабар бермоқда. Қонун билан ...

Ўзбекистонда поезд чипталари нархи 20 фоизга ошади

«Ўзбекистон темир йўллари» акциядорлик жамияти 2019 йилнинг 1 мартидан бошлаб «Афросиёб» тезюрар поездларидан ташқари барча маҳаллий йўналишларда қатновчи йўловчи поездлар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400