Ўзбекистон ва Қозоғистон ўртасида янги автобус қатнови йўлга қўйилди

Ўзбекистон ва Қозоғистон Тошкент—Қизилўрда—Тошкент йўналиши бўйича янги халқаро автобус қатновини йўлга қўйди. Бу ҳақда «Ўзавтотранс» агентлиги матбуот хизматига таяниб, маҳаллий нашрлар хабар бермоқда.

21 июлдан йўналиш бўйича биттадан Van Hool (Бельгия) йўловчи автобуси маҳаллий вақт билан 17:00 да Тошкентдан Қизилўрдага бориш учун йўлга чиқади. Автобуслар чегарани «Ғишткўприк» (Ўзбекистон) ва «Жибек Жоли» (Қозоғистон) назорат-ўтказиш пунктлари орқали кесиб ўтади. «Тошкент» (Ўзбекистон) ва «Салтанат» (Қозоғистон) автовокзаллари рейсларнинг охирги тўхташ нуқтаси бўлади.

Йўналиш масофаси 583 километрга тенг бўлиб, йўлга 10 соат-у 30 дақиқа вақт сарфланади. Йўл ҳақи Тошкентдан Қизилўрдага — 97 минг сўм, Қизилўрдадан Тошкентга — 3800 тенге (11 доллар атрофида).

2018 йили Тошкент—Олмаота—Тошкент, Тошкент—Чимкент—Тошкент, Тошкент—Бишкек—Тошкент, Тошкент—Хўжакент—Тошкент йўналишлари бўйича тўртта доимий халқаро автобус қатновлари ташкил этилди. Йўналишлар очилгандан буён шу вақтга қадар 40 мингдан зиёд йўловчи манзилига етказилган.

Бўлишинг:

Муҳаррир танлови

Тўғри сўзнинг тўқмоғи

Бугунги ҳикоямиз қаҳрамони Зоҳиджон Зокиров. У Наманган вилояти, Мингбилоқ туманида,1975 йил, 28  сентябрда туғилган. Зоҳиджон Зокироа таниқли, фидоий  Наманганлик журналист ...

Ўзбекистонда маҳбуслар 2 миллион  сўмгача ойлик олади

Ўзбекистон маҳбуслар разрядидан келиб чиққан ҳолда 577 мингдан 2 миллион  сўмгача ойлик олади. Бу ҳақда ИИВ томонидан ўтказилган матбуот анжуманида хабар берилди. ...

Россиядаги меҳнат муҳожирларига ётоқхоналар қуриш таклифи бўлмоқда

Қирғизистон парламентининг депутати Ўмурбек Бакиров Россияда меҳнат қилаётган Қирғизистон фуқаролари учун ётоқхоналар қуришни таклиф қилди. Бу ҳақда депутат қирғиз ...