Москва вилоятида беш ёшли тожик қизи ўлимидан сўнг полиция раҳбарияти ишдан бўшатилди

Серпуховода хизмат текширувидан сўнг тўрт нафар полиция ходими ишдан бўшатилди, улар маҳаллий аҳоли томонидан болалар майдончасида шубҳали эркак борлиги тўғрисидаги хабарни эътиборсиз қолдиришган, дея хабар берди ИИВнинг Москва вилояти бўйича Бош бошқармаси.

Хизмат текшируви натижасида жамоат тартибини сақлаш бўлими бошлиғи, бошлиқ ўринбосари, участка нозири ва унинг ўринбосари ишдан бўшатилди.

22 июль куни тожик қизи Хувайдо Тиллозода ўзи истиқомат қиладиган Серпуховодаги уйнинг ҳовлисидан ўғирлаб кетилди. Эртаси куни ўлдирилган қизнинг жасади солинган спорт сумкаси темир йўл станцияси яқинидан топилди.

Суд-тиббиёт экспертизасининг маълум қилишича, Хувайдо зўрланган, сўнг пичоқланиб ўлдирилган. Кўп ўтмай жиноятни содир этганликда гумон қилинган шахс ушланди – у Серпуховода яшовчи маҳаллий аҳоли вакили бўлиб чиқди.

Терговда маълум бўлишича, 2017 йилда маҳаллий аҳоли вакили бўлган аёл мурожаат қилиб, бир эркак қизига нисбатан «қонунга зид ҳатти ҳаракат қилгани» борасида ариза берган. Ўша эркак Хувайдонинг қотили экани айтилмоқда. Участка нозири текшириб кўриши керак эди, аммо ТҚ версиясига кўра, статистика кўрсаткичини бузишни истамай жиноий иш очишдан воз кечган.

Бўлишинг:

Муҳаррир танлови

Наманганда 7 синф ўқувчисининг туғиб қўйиши ортидан таътилдаги ўқитувчилар чақириб олинди

Наманган вилоят, Чортоқ туманидаги мактаблардан бирининг 7-синфни тугатган ўқувчиси фарзанд кўргани ортидан, тумандаги барча мактабларнинг таътилда бўлган ўқитувчилари ишга ...

Оғриқ қолдирувчи дорилар қандай салбий оқибатларга олиб келиши маълум бўлди

Оғриқ қолдирувчиларнинг кенг қўлланилиши юрак етишмовчилиги туфайли шифохонага тушувчи беморлар сонининг кўпайишига олиб келмоқда. Гап яллиғланишга қарши нестероид дори ...

Ақш мактабида юз берган отишмада икки нафар ўсмир ҳалок бўлди, 17 нафари яраланди

Американинг Кентукки штатида 15 яшар ўсмир Бентон шаҳарчасидаги ўрта мактабдаги синфдошларига қарата ўт очди. (more…)