Бу йил тарвуз ва қовунлар нега қиммат?

 

Фото: Аҳмадали Шерназаров / «Халқ сўзи»

 

Ушбу пишиқчилик мавсумида айрим йиллари нисбатан арзон бўладиган қовун-тарвузларнинг баҳоси сезиларли даражада қиммат. Ҳатто баъзи минтақаларда бу неъматлар килолаб ўлчанган ҳолда ҳам сотилмоқда. Хўш, қовун –тарвузларнинг айни кунларда ўтган йиллардагидан кўра деярли икки баравар юқори нархда сотилаётганлигининг сабаблари нимада? “Халқ сўзи”мухбири Аҳмадали Шерназаров шу масалага ойдинлик киритиш мақсадида кичик журналистик суриштирув ўтказди.

Деҳқонлар билан шу масалада гаплашганимизда улар бунга биринчи сабаб майдаги ҳамда июнь ойининг бошидаги салқин ҳаво мазкур экинларнинг ривожи ва ҳосилдорлигига салбий таъсир кўрсатганини айтишди. Республикамизнинг эртапишар тарвуз полизларида эса жорий йилдаги аномал иссиқ ҳаво ҳодисаси – саҳро гармсели туфайли гул ва ҳосил тугунчаларининг тўкилиши содир бўлган.

Яна деҳқонларнинг фикрича, полиз экинлари, айниқса, қовунга бир неча йиллардан буён катта муаммо бўлиб келаётган қурт тушиши аримаётганлигидир. Маълумки, ушбу зараркунанда қовун гулига личинка қўйиб, ҳосил билан бирга, аниқроғи, унинг ичида ривожланиб боради. Шу боис, қовуннинг “қуртлагани” фақатгина уни сўйгандагина билинади. Кўриниб турибдики, айни ҳолат бутун бир полиз пайкалларидаги ҳосилни истеъмолга яроқсиз ҳолга келтиради, деҳқон меҳнатини пучга чиқаради.

 

Фото: Аҳмадали Шерназаров / «Халқ сўзи»

 

Нима қилмоқ керак? Мутахассисларнинг фикрича, полизчилик тарқоқ деҳқончилик бўлгани туфайли, барча пайкал эгалари қовун қуртига қарши бир вақтда кураш олиб боришмайди. Демак, агар кимёвий ишлов бериш маълум ҳудудларда мувофиқлаштирган ҳолда ёппасига ўтказилса, бу борадаги аҳвол анча яхшиланар эди.

Энг ачинарлиси, ана шундай қурт тушган қовунлар сотувда ҳам учрамоқда. Бундай ҳолат айниқса, автойўллар четида, пайкалларига яқин манзилларда қовун-тарвуз сотаётган деҳқонларнинг маҳсулотларида кузатилиш эҳтимоли юқори. Нега десангиз, бундай жойларда полиз маҳсулотларини махсус текширувдан ўтказиш имконияти йўқ. Афсуски, қовуннинг қуртлагани ташқи томонидан билинмайди. Юқорида келтирганимиздек, унинг бундай зарарланган ёки зарарланмаганлиги сўйилганида маълум бўлади.

 

Фото: Аҳмадали Шерназаров / «Халқ сўзи»

 

Мирзаобод туманининг “Нурафшон” маҳалласи теварагидаги бир неча полиз майдонларини тасвирга олганимизда ҳақиқатдан ҳам бу йил қовун экинларининг яхши ривожланмаганлигини, боз устига турли касалликларга чалинганлигини гувоҳи бўлдик. Яна бир жиҳат шуки, ушбу зироат экинлари шўрхок ерларга ҳам жойлаштирилган. Деҳқонларнинг айтишича,бундай экин майдонларида қовун яхши ҳосил бермайди. Шу боис, полиз экинлари учун жой танлашда ана шу жиҳатга ҳам эътибор берилса, яхши бўлар эди, дейишмоқда улар.

Полиз маҳсулотлари, хусусан, қовун нархининг баландлигининг яна бир сабаби, бу хориж бозоридаги унга бўлган талабнинг ошиб бораётганлиги ҳамдир. Албатта, буни ижобий ҳолат сифатида баҳоламоқ лозим. Демак, бизнинг, бошқа минтақаларда учрамайдиган ва тенги йўқ қовун-тарвузларимиз четда ҳам тобора харидоргир бўлиб бораётгани, экспорт ҳажмининг ошаётгани кишини қувонтиради. Лекин бошқа тарафдан Ўзбекистон ички бозорида ҳам қовун ва тарвузга бўлган талаб йилдан-йилга ошиб бораётганини ҳисобга олиш зарур. Экиладиган майдонлар миқдори эса сезиларли даражада кенгаймаяпти.

Фото: Аҳмадали Шерназаров / «Халқ сўзи»

 

Манба: «Халқ сўзи»

Бўлишинг:

Муҳаррир танлови

Ўзбекистонда йил бошидан бери 1 954 нафар шахс озодликдан маҳрум қилинди

2019 йилнинг биринчи чорагида жиноят ишлари бўйича судлар томонидан 9 946 нафар шахсга нисбатан 7 750 та иш кўриб чиқилди. Мазкур кўрсаткичлар 2018 йилнинг шу даврига ...

Бугун осиё кубоги мусобақасига старт берилади

Бугун 5 январь куни Бирлашган Араб Амирликларида 17-Осиё Кубоги мусобақасига старт берилади. Мусобақадан ўрин олган учрашувлар 4та шаҳарда: Абу Даби, Дубай, Шаржа ва Ал-Айн ...

Ўзбекистон президенти шавкат миромонович мирзиёевга очиқ хат

Муҳтарам Президент жаноблари! Бир гектар майдондаги пахта кўпи билан 1000-1300 АҚШ доллари олиб келади. Харажатлар ҳам шунга яраша бўлади. Натижада пахта миллий бойликка ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400