Бошқа мавзулар
Жорий йилнинг 15- августида, Тошкент шахрида “Бирдамлик” Халқ Демократик Ҳаракати фаолларининг йиғилиши бўлиб ўтди. Йиғилишда ҳаракатнинг бугунги аҳволи, фаолияти , ютуқ ва камчиликлари атрофлича муҳокама қилинди, бу ҳақда “Birdamlik.info” сайти хабар бермоқда.
Маълумку, сўнги 3 йил ичида ҳаракат фаолияти объектив ва субъектив сабабларга кўра анча сустлашди. Шу масала юзасидан айтилган барча фикр-мулоҳазалар инобатга олиниб, жойларда бирламчи қуйи ташкилотларни қайта тиклаш, вилоятларда ва марказда ҳаракат аъзоларининг фаолиятини жонлантириш учун қилиниши керак бўлган ишлар режаси тузилди.
Йиғилишда айтилган барча фикр ва таклифлардан келиб чиқиб, «Бирдамлик» Халқ Демократик Ҳаракатининг навбатдаги Қурултойини ўтказиш ташкилот зиммасидаги бирламчи вазифа дея эътироф этилди.
Шу муносибат билан ҳаракат лидери Баҳодир Хон Туркистон жанобларидан қурултойга тайёргарлик кўриш, ташкиллаштириш ва қурултойни ўтказишда зарур бўлган моддий ва техник базани яратиш маъсулиятини ўз зиммасига олиши сўралди.
Шунингдек, ҳаракат фаоллари тамонидан жорий йилнинг 8-9 ноябирида ўтказиш режалаштирилганини ва қурултойда Баҳодир Хон Туркистон жаноблари иштирок этиши сўралди.
