УСТОЗИМ РАУФ ПАРФИ – “БАРЧА ШЕЪРЛАРИНГИЗ ҲАЙВОНЛАР ҲАҚИДА ЭКАН”

Рауф Парфи

1994 йилнинг охирлари эди. Рауф ака бизникида анча кун тургандилар. У киши бор жойда албатта бирор-бир ҳангоматалаб воқеа, гап-сўзлар бўларди. Шулардан биттаси ёдимда қолган.

Бир кечаси  Яҳё Тоға билан Шўралисойлик Маҳмуджон деган йигит  келишганди. Биз тонггача ўтириб чиқдик. Турли мавзуларда суҳбатлашдик, шеърлар ўқидик. Маҳмуджон жуда қизиқувчан йигит экан. Кўп саволлар беравериб Яҳёнинг хотирасини синаб кўрмоқчи бўлди:

-Яҳё ака ўткан йили Чоршамъ ака шу ерда ўғилларига тўй қилганларида сиз ҳам шеър ўқиган эдингиз-а?

-Ҳа! Биринчи бўлиб Рауф ака ўқигандилар. Энг охирида мен гапирган ва шеър ўқигандим.

-Ў, роса мазза қилган эдик.Мен ўйнайверибман-ўйнайверибман. Охири ўчиброқ қолган эканман, кўп  воқеалар эсимда йўқ,-дея Рауф ака қўшиб қўйдилар.

Маҳмуджон Яҳёни яна сўроққа тутди.

-Ўшанда от ҳақида шеър ўқиганмидингиз?

-От ҳақида? Ёдимда йўқ. Ўқимаган бўлсам керак. Тўй ҳақидаги шеъримни ўқиган эдим шекилли. Лекин “Тойчоқ”  деган шеърим бор. Умуман  у шеър от ҳақида -да.

Маҳмуджон барибир ўзига маъқул жавобни олмоқчи бўлди.

-Яна қанақа ҳайвон ҳақида шеърингиз бор?. Аниқ эсимда, тўйда қайсидир ҳайвон ҳақида шеър ўқигандингиз.

  • Э, ҳайвонлар ҳақида шеърларим кўп. Яна Рауф ака ҳақларида ўнта, Муҳаммад Юсуф, Жамол Хумий, Азиз Абдураззоқ, муаллимим,  жўраларим ҳақида шеърларим бор.

Яҳё рўйхатни яна давом эттираётган эди.

-Бўлди, бўлди, – дедилар Рауф ака. – Барча шеърларингиз ҳайвонлар ҳақида  экан. Қани шу учун битта отайлик.

Биз аввал роса кулишиб олдик. Кейин қадаҳлар жаранглади.

(Давомини ўқинг)

(Аввалги қисмини ўқинг)

 

Муаллиф: ЧОРШАМЪ

Бўлишинг:

Муҳаррир танлови

Мeҳробдан чаён-қирқ қизлар

Гулшанлар  кирган  ҳавли "Қирқ  қизлар"  деб  аталар  эди.  Бунда  хоннинг  кўнгил  очишиға хизмат  қилғучи "Қирқ  қизлар"  турар  эдилар.  Бу  ҳавли  ундаги  ўюнчи,  ...

«наво» куйи

11. «НАВО» КУЙИ Халқимиз таъбирича, бу замонлар «мусулмонобод» бўлса-да, бироқ бу тантаналик таъбирни бузиб қўя-турған ишлар ҳам йўқ эмас эди. Хон мусулмон, бек мусулмон, ...

Юлдузли тунлар-11

ЎШ НАЖОТ ҚАЙДА? 1 Баланд қоятошлар билан текис воҳалар бир-бирига ғалати тарзда киришиб кетган Ўш атрофлари бир неча кундан бери жуда серҳаракат. Андижондан туяларга ортиб ...