Бошқа мавзуларВашингтонда душанба соат 00:00дан (Тошкент вақти билан 9:00)дан бошлаб Россияга қарши янги санкциялар тўплами кучга кирди.
Давлат департаменти космик саноат ва фуқаролик авиацияси соҳасида экспортдан ташқари, Россияга қурол ва иккиламчи маҳсулотлар экспорти учун лицензия бермайди. Шунингдек, АҚШнинг Россияга ҳар қандай ёрдами тўхтатилди, шошилинч гуманитар ёрдам, озиқ-овқат ва бошқа қишлоқ хўжалиги маҳсулотлари бундан мустасно.
Москва Америка муассасалари томонидан «ҳар қандай кредит, кредит кафолати ва бошқа молиявий ёрдам»дан маҳрум бўлади.
АҚШ ҳукумати 8 август куни электроника ҳамда нефть ва газ саноатининг таркибий қисмлари ва технологиялари экспортига таъсир кўрсатадиган янги иқтисодий чекловларни эълон қилди. Тегишли қонун лойиҳасининг ташаббускорлари Москвани Британиянинг Солсбери шаҳридаги кимёвий ҳужумга алоқадорликда айбламоқда. Россия айбловларни рад этяпти ва далилларнинг йўқлигини билдирмоқда.
