Вазирлар Маҳкамаси «Ўзбекнефтгаз»нинг фойдаланилмаётган ва ихтисосли бўлмаган активларини оммавий савдоларда сотилиши ҳақида қарор чиқарди. Бу ҳақда «Spot» нашри хабар бермоқда.
Ушбу активлар рўйхатига 150 дан ортиқ бино ва корхоналар киритилган: гўштни қайта ишлаш цехи, спорт мажмуаси, меҳмонхоналар, поликлиника, дўконлар, иссиқхона, тикувчилик цехи ва бошқа объектлар.
Активлар оммавий савдоларга қўйилган кундан бошлаб 3 ой мобайнида сотилмаган тақдирда, тадбиркорлик субъектлари, шу жумладан, кичик саноат зоналарида янгидан ташкил этиладиган тадбиркорлик субъектлари тўловларни 10 йилгача муддатга бўлиб-бўлиб тўлаш имкониятига эга бўладилар. Бунда активлар бозор қийматининг камида 15%ини олдиндан тўлаш зарур.