Президент девонида жиддий ўзгаришлар: Хайриддин Султонов ва Қаҳрамон Қуронбоев давлат маслаҳатчиси лавозимидан олинди

Бугун, 27 август куни Ўзбекистон президенти Шавкат Мирзиёев раҳбарлигида йиғилиш ўтказилди. Йиғилиш якунларига кўра, президент девони тузилмасида жиддий ўзгаришлар рўй бериши маълум бўлди.

Фото:Кун.Уз

«Kun.uz» манбаси маълумот беришича, президент девони президент маъмурияти этиб қайта ташкил этилади ва шу вақтгача президент ижроия аппарати раҳбари-маслаҳатчи сифатида фаолият кўрсатиб келаётган Зайноблиддин Шаҳобиддинович Низомиддинов маъмурият раҳбари бўлади.
Эндиликда давлат маслаҳатчиси институти тугатилган, давлат маслаҳатчилари президент маслаҳатчиларига айланган.
Собиқ давлат маслаҳатчиларидан Қаҳрамон Қуронбоев ва Хайриддин Султонов лавозимдан олиниб, бошқа ишга ўтказилган.
Қуронбоев президент девонида Фан, таълим, соғлиқни сақлаш ва спортни ривожлантириш масалалари бўйича сектор раҳбари Абдужаббор Абдувоҳидовга ўринбосар бўлган.
Хайриддин Султонов бошқарган хизматини айни пайтда Абдужаббор Абдувоҳидов бошқариб туради.
Султонов спичрайтер (нутқ ёзувчи) сифатида президент маърузаларини тайёрлашда давом этади.
Бошқа собиқ давлат маслаҳатчилари Рустам Қосимов, Рустам Иноятов (Б. Мавлонов биринчи ўринбосари), Виктор Маҳмудов (Хавфсизлик кенгаши котиби) ҳамда Турсинхон Худейбергенов ўз лавозимларига қайта тайинланган. Президент девонининг собиқ раҳбари Зелимхон Ҳайдаровнинг кейинги фаолияти ҳақида ҳозирча маълумот йўқ.
Шунингдек, Ишлар бошқармаси ҳам тугатилиб, унинг ўрнига янги бошқарма тузилган. Президент маъмурияти фаолиятини маъмурият раҳбари мувофиқлаштириб боради.

Манба:Кун.Уз

Бўлишинг:

Муҳаррир танлови

Расмий статистика ростми ёки ёлғонми? ёлғон статистикадан ҳукумат ютқазадими ёки халқ?

1986 йил ҳолатига кўра Ўзбекистон аҳолиси 18 487 минг кишини, Тошкент аҳолиси 2 083 минг кишини ташкил қилган экан. 2018 октябр ойига келиб Ўзбекистон аҳолиси 33 085, 2 минг ...

“ҳокимият вакиллари мулк эгаларига қўпол муносабатда бўлмоқда”

Олий Мажлис Сенатининг ўн саккизинчи ялпи мажлисида маъруза қилган Инсон ҳуқуқлари бўйича вакили (Омбудсман) Улуғбек Муҳаммадиев 2018 йилда Омбудсман манзилига сиёсий ҳуқуқ ...

Туркия ва россия миллий валютада ҳисоб-китоб қилишга келишиб олди

Россия Молия вазирлиги ва Туркия ғазначилик ва молия вазирлиги ҳисоб-китоб ва тўловларни миллий валютада амалга ошириш тўғрисида битимни имзолади. Бу ҳақда РИА ...