Ёнган 52 ўзбек иши бўйича қайта бошланган судда ўлганларнинг яқинлари қатнашмоқда

Қозоғистоннинг Ақтўбе вилоятида 52 ўзбекистонлик ёниб кетган автобус ҳайдовчилари устидан маҳкама қайта бошланди. Жорий йил январида содир бўлган бу фожеа бўйича бошланган судда 3 ҳайдовчи ва уларни ишга ёллаган ширкатнинг 2 вакили судланмоқда. Маҳкамада ёниб кетган ўзбекистонликларнинг 11 қариндоши қатнашмоқда.

52 киши ёниб кетган автобуснинг ҳайдовчилари: (чапдан ўнгга) Барат Танатов, Нуржан Киргизбаев, Максат Пернебеков ва адвокат Хайрулло Алимагамбетов, Ақтўбе, 3 сентябрь, 2018 йил.

Судланувчилар курсисида ўтирган автобус ҳайдовчилари: Барат Танатов, Нуржан Киргизбаев ва Максат Пернебековлар 2018 йилнинг 26 январидан бери ҳибсда сақланмоқда.

Улар ёнғин хавфсизлиги қоидаларига амал қилмаганликда, транспорт воситасидан фойдаланиш тартибини бузганликда, икки ва ундан ортиқ кишининг ўлимига сабаб бўлганликда айбланмоқда.

Шунингдек, уларни ишга ёллаган “Азия транзит сервис” корхонаси таъсисчиси ва механиги ҳам судга тортилган. Исми хабарларда тилга олинмаётган ширкат раҳбари юридик шахс сифатида ўз хизмат ваколатини тўлиқ бажармаганлик ва носоз транспорт воситасини фойдаланишга топшириш, ҳужжатларни сохталаштиришда айбланмоқда. Ширкат механиги эса носоз автобусни қатновга чиқаришда айбланмоқда.

Бу икки киши Ақтўбени тарк этмаслик ҳақидаги тилхат асосида очиқда қолмоқда.

3 сентябрь куни эрталаб бошланган маҳкамада судя Серик Махамбетов суд мажлисининг қозоқ тилида ўтишини айтди. Қурбонларнинг Фарғона вилоят, Тошлоқ туманидан борган яқинлари таржимон сўради.

Сўнгра судья уларга таржимон тақдим қилиниши учун тушгача танаффус эълон қилди.

Бундан ташқари, суд бошланиши билан, автобус ҳайдовчиси бўлган судланувчи Максат Пернебековнинг опаси – Нуршат Пернебекова ҳодисада омон қилган икки ўзбекистонлик гувоҳнинг мажлисда қатнашмаётганидан норозилигини билдирди, аммо унинг норозилиги инобатга олинган-олинмагани ҳақида ҳозирча маълумот йўқ.

Суднинг биринчи мажлиси 24 июль куни ўтказилган эди. Уларга нисбатан қўзғатилган жиноят иши эса 9 июлда судга оширилган.

Шу йилнинг 18 январь куни Самара-Чимкент автойўлининг Қозоғистоннинг Ақтўбе вилоятидан ўтадиган қисмида автобусда кетаётган 52 нафар Ўзбекистон фуқароси тириклайин ёниб кетган.

Ёнаётган автобусдан фақат 5 киши – автобуснинг 3 ҳайдовчиси ва ўзбекистонлик 2 йўловчи қочиб чиқишга улгурган.

Ақтўбеда ёнган 52 ўзбекистонликдан айримларининг Фарғонадан судга борган 11 қариндоши

Ёнғин сабаби оловдан нотўғри фойдаланиш, деб белгиланган. Терговчилар тахминича, ҳайдовчилар автобус салонини иситиш учун кавшар лампадан чиққан.

Бу ҳақда ​ёнғинда омон қолган наманганлик Аҳрор Исаков ҳам “Даракчи” нашрига айтган эди. Аҳрор Исаковга кўра, автобус жуда совиб кетганидан йўловчилар салонни кавшар лампа билан иситган. Айни шу кавшар лампа ҳамда автобусдаги бир канистр бензин ёнғинни келтириб чиқарган.

Аҳрор Исаков ва омон қолган яна бир ўзбекистонлик 3 сентябрь куни ишини давом эттирган маҳкамада иштирок этмаётир ва бунинг сабаблари Озодликка ҳозирча номаълум қолмоқда.

Манба:Озодлик

Бўлишинг:

Муҳаррир танлови

Тошкент шаҳар прокуратураси абдурасул ваҳобовга жиноят иши қўзғатишни рад этди

Олмазор туман ҳокими ўринбосари А.Ваҳобов жорий йилнинг 14 август куни Kun.uz таҳририяти ходимларига таҳдид қилган эди. Орадан бир кун ўтиб, Тошкент шаҳар ҳокимлиги матбуот ...

Қибрайлик аёл: мен норозилик сифатида ўзимга ўт қўйдим

14 декабрь куни Тошкент вилоят, Қибрай туман ҳокимлиги биносида ўзига ўт қўйган аёл расмийларнинг "ўзини эмас, трибунани ёқмоқчи бўлди", деган даъвосини рад этди. ...

Ўзбекистон қонунларида «милиция» сўзи бутунлай ишлатилмайдиган бўлди

Ўзбекистон Республикаси президенти “Ўзбекистон Республикасининг айрим қонун ҳужжатларига жиноят процесси иштирокчиларининг ҳуқуқлари ҳимоя қилинишини таъминлаш билан боғлиқ ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400