Мьянмада роҳинжа мусулмонларнинг қатлиом қилинаётганини ёзган Reuters журналистлари қамалди

Мьянма суди Reuters агентлигининг икки нафар журналистини давлат сири тўғрисидаги қонунни бузганликда айблаб, 7 йилга озодликдан маҳрум қилди. 3 сентябрь куни суд 32 ёшли Ва Лон ва 28 ёшли Чжо Соэ Оо Мьянмада роҳинжа мусулмонларининг қатлиом қилинишига оид маълумотларни жаҳон ҳамжамиятига ошкор қилганликда айбдор деб топилди. Бу ҳақда озодлик радиоси маълум қилди.

Reuters агентлигининг журналистлари 32 ёшли Ва Лон ва 28 ёшли Чжо Соэ Оо.

Reuters бош муҳаррири Стивен Адлер 3 сентябрни «Мьянманинг энг қайғули куни», деб атади:

-Бугун Мьянма учун, Reuters журналистлари Ва Лон ва Чжо Соэ Оо учун, жаҳон матбуоти учун қайғули кун. Бу икки журналист бунга қадар соҳта айбловлар билан 8 ой ҳибсда сақланди. Уларнинг овозини ўчиришга, қўрқитишга ҳаракат қилишди. Бугунги ҳукм уларни озодликдан маҳрум қилди ва айни пайтда хавфсизлик хизматларининг ноқонуний ҳаракатларини оқлади, – деди Адлер.

2017 йилнинг августида Мьянмада ҳарбийлар рохинжа мусулмонлар қарши қирғин уюштирган эди. БМТ, АҚШ ва Европа Иттифоқи бу қирғинни “этник тозалаш”, деб баҳолаган.

Мьянмадаги қирғин оқибатида камида 620 минг рохинжа мусулмон Бангладешга қочишга мажбур бўлган.

2017 йил 18 сентябрда Ўзбекистон жаҳон ҳамжамияти билан бир қаторда Бангладешга қочган роҳинжа мусулмонларига инсонпарварлик ёрдамини топширган эди.

Ўзбекистондан келган инсонпарварлик ёрдами камида 8000 оилани ёки 50 мингга яқин қочқинларнинг эҳтиёжларини қондириши алоҳида қайд этилган.

 

Бўлишинг:

Муҳаррир танлови

Энергетика вазири алишер султоновнинг ваъдалари ёлғон бўлиб чиқди

Эсласангиз, аҳоли ўртасида электр ва газ нархининг кескин кўтарилиши ҳақида гап-сўзлар болалаб кетгандан кейин энергетика вазири Алишер Султонов расмий изоҳ берганди: «Яқинда ...

Ўзбек тилини билмаган амалдор ёхуд муаммонинг илдизи қаерда?

1989 йилнинг 21 октябр​ь. Яна оз муддатдан сўнг,  «Давлат тили тўғрисида»ги қонуннинг қабул қилин​ганига нақ 30 йил тўлади. Қонун маданий мерос, ўзлигимизни англаш, миллий ...

Қирғиз-тожик чегарасида отишма бўлиб, жароҳатланганлар борлиги айтилмоқда

Қирғизистон Давлат чегара хизматининг маълум қилишича, 12-апрель куни Лайлак туманидаги Мақсат қишлоғи яқинида қирғиз ва тожик чегарачилари ўртасида содир бўлган отишмада бир ...