Қозоғистонда ота-оналар рўмолли қизлар мактабга киритилмаётгани ортидан намойишга чиқди

Қозоғистоннинг Туркистон вилояти Фирдавсий қишлоғидаги ўрта мактабга рўмол ўраган ўқувчи қизлар киритилмаётгани ортидан 4 сентябрь куни 30 нафарга яқин ота-она норозилик билдирди. Бу ҳақда озодлик радиоси маълум қилди.

Намойишга чиққан аёллар.

Озодлик радиоси қозоқ хизматининг билдиришича, ота-оналар мактабга келиб намойиш уюштирган. Бу ерда тартибни назорат қилиш учун полиция ходимлари ҳам етиб келганлар.

3 сентябрь куни мазкур мактабда рўмол ўраб келган ўқувчи қизлар дарсларга киритилмаган эди. Ўнга яқин қизни полиция ва мактаб раҳбарияти дарсларга киритмаётгани тўғрисидаги видео Интернет тармоғида тарқаб кетган.

Қозоғистон маориф вазири Ерлан Сагадиев Озодлик радиоси қозоқ хизматига қонунчиликка асосан ўқувчи қизларнинг мактабга рўмол ўраб келиши тақиқланганини айтди. Маориф вазирлиги Фирдавсий қишлоғидаги вазиятни ўрганиш учун комиссия жўнатадиган бўлди.

Фирдавсий қишлоғида ҳижобли қизлар масаласи ўтган йили ҳам кўтарилган эди. Чимкентдан 300 километр узоқликда жойлашган Фирдавсий қишлоғида асосан тожик миллатига мансуб одамлар яшайди, бу ердаги мактабда ўқитиш ҳам тожик тилида олиб борилади. Маҳаллий аҳоли ўқувчи қизлар миллий урф-одатларга амал қилган ҳолда рўмол ўрашларини айтмоқдалар.

Қозоғистонда рўмолли ва ҳижобли қизларни ўқув даргоҳларига киритилмаётгани масаласи сўнгги йилларда долзарб мавзуга айланмоқда. 2016 йилда Қозоғистон Маориф вазирлиги диний кийимдаги ўқувчиларни дарсларга киритмаслик тўғрисида буйруқ чиқарган эди.

 

Бўлишинг:

Муҳаррир танлови

Ҳиндистонда азон овозига қарши қарор чиқди

Ҳиндистоннинг Махараштра штатидаги масжидларда азон овози ўчирилди. Минтақадаги 900 дан ортиқ масжидда ҳиндуларнинг норозилигидан сўнг азон овозини пасайтиришга қарор қилди. ...

Қўқоннинг саланг бозорида хижоб дўконлари мухрланмоқда

"Саланг улгуржи-чакана савдо бозори"(Қўқон Оптом бозори)да соқол ва хижоб учун очиқ кураш бошланди. Бу ҳақда фейсбук фойдаланувчиларидан бири ўз саҳифасида ёзмоқда. Унинг ...

Тошкентдаги масжид имоми мансабдорларга ер ва дўкон ажратишни сўраб чиқди

Ижтимоий тармоқларда зиддиятли чиқишлари билан танилган тошкентлик имом Шермурод Тоғай мансабдор шахсларга “махсус дўкон, тижорат олиб борадиган жойлар” ажратишни таклиф ...