Россия хорижий ишчи кучини қисқартирмоқчи

Россиядаги қурилиш соҳаси корхоналарида хорижлик ишчиларнинг улуши биринчи марта чекланади. 2019 йилда у 80%дан ортиқ бўлмаслиги керак, дея маълум қилди РФ бош вазири ўринбосари Татьяна Голикова жума, 7 сентябр куни ижтимоий-меҳнат муносабатларини тартибга солиш бўйича уч томонлама комиссия йиғилишида. Бироқ, Москва қурилиш сектори (унга мамлакатдаги барча қурилиш ишларининг 12% тўғри келади) учун истисно қилинади. Бу ҳақда РБК сайти хабарига асосланиб Кун.Уз нашри маълум қилмоқда.

Фото:Мигрант.ру

Ушбу мамлакат ҳукумати ҳар йили кейинги йил учун хорижий ишчиларга норматив белгилайди. 2019 йилда мигрантларнинг иқтисодиётдаги улуши тўғрисидаги ҳукумат қарори лойиҳаси Россия Иқтисодий ривожланиш вазирлиги билан август ойида келишилган бўлиб, қурилиш соҳасида – мигрантлар меҳнатидан фойдаланиш учун асосий бўлган соҳада – жалб этилувчи хорижий ишчи кучини қисқартиришни назарда тутади.

«Қурилишда хорижлик ишчиларнинг улушини 80 фоиз даражасида белгилаш таклиф қилинмоқда», – дейди Голикова. Росстатнинг 2017 йил учун маълумотларига кўра, 6,3 миллион киши қурилиш соҳасида иш билан банд, уларнинг аксарияти мигрантлар саналади. «Сўнгги йилларда бу соҳада хорижий ишчилар юқори улуши бўлган компаниялар сони ўсмоқда, ва шунинг учун ҳам бу улушни камайтириш таклиф этилмоқда», – дея таъкидлаб ўтди Голикова.

Мамлакат Меҳнат вазирлиги маълумотларига кўра, чет эллик ишчилар сони улуши жами ходимлар сонидан 80-100% бўлган корхоналарнинг қурилишдаги улуши 2016 йилдаги 7,7% дан 2018 йилдаги 14,5% гача ўсди.

Эслатиб ўтамиз, аввалроқ Калуга областидаги иссиқхонада Ўзбекистон ва Хитойдан келган 51 нафар ноқонуний мигрант аниқланганди.

 

Бўлишинг:

Муҳаррир танлови

Путин қўшни давлатларни россия билан муносабатларни ёмонлаштирмасликка чақирди

Россия президенти Владимир Путин 4-март куни янги «Маршал Рокоссовский»  паромининг байроғини кўтариш маросимида сўзлаган нутқида қўшни давлатларни Россия билан ...

Фсб журналист соловьёвни ўлдирмоқчи бўлганлар қўлга олинганини маълум қилди

Россия президенти Владимир Путин прокурорлар билан суҳбатда Федерал хавфсизлик хизмати (ФСБ) “таниқли россиялик тележурналистга суиқасд уюштиришга уринган террорчилик гуруҳи ...

Қозоғистон парламентида оав тўғрисидаги қонунга зид ўзгартиш киритилди

Қозоғистон парламенти Мажлиси чоршанба кунги ялпи мажлисида аxборот ва коммуникация масалалари бўйича айрим қонунчилик актларига қўшимча ва ўзгартишлар киритиш тўғрисидаги ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400