2018 йил 6 сентябр куни номаълум шахс Қарши шаҳрида жойлашган “Uzbekistan GTL” заводида қурилиш ишларини олиб бораётган “Evro Engineering” компаниясининг хизмат хонаси эшигини бузиб кириб, у ердан 10 000 АҚШ доллари ва компания ишчи-хизматчиларига ойлик маоши сифатида берилиши керак бўлган 46 171 000 сўм пулларни ўғирлаб кетган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси маълумот берди.
Кўрилган чоралар натижасида ушбу жиноятни Самарқанд шаҳрида яшовчи, юқоридаги компаниянинг ҳайдовчиси М.Ч. содир этганлиги аниқланиб, ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.