Қозоғистонлик режиссёр Сергей Азимов бошчилигида Ал-Форобий ҳақида ҳужжатли фильм суратга олинмоқда. Бу ҳақда Turon24 ахборот агентлиги хабар қилди.
Фильмнинг тасвирга олиш ишлари Ўтрор туманида бўлиб ўтмоқда. Кинокартинада олимнинг болалиги, турмуш тарзи, илмий фаолияти кўрсатиб берилади.
Шунингдек, режиссёр Туркистон вилоятида Аҳмад Яссавий ҳаёти ҳақида тарихий фильм суратга олишни режалаштирган. Бу кинофильмда нафақат Аҳмад Яссавийнинг ҳаёт йўли, балки бутун туркий халқларни ўзида жамлаган Туроннинг тарихи ҳақида ҳикоя қилади.