Ўзбекистонда нон нархи икки бароварга ошди

Ўзбекистонда 15-сентябрдан бошлаб қолипли (“буханка”) нон эркин бозор нархи бўйича (ҳозирда нарх давлат томонидан тартибга солинган) сотила бошланди. Шу тариқа буханка (қолипли) ноннинг нархи қарийб икки баробар ошиб, 650 сўмдан 1200 сўмга кўтарилди. Ҳукумат аҳолининг ижтимоий ҳимояга муҳтож қатламларига 2018 йил 1 октябрдан бошлаб ун ва қолипли нон олиш бўйича қўшимча харажатларни қоплаш учун энг кам ойлик иш ҳақининг 10 фоизи (18 400 сўм) миқдорда компенсация тўлови тўлаб беришни режалаштирмоқда. Бироқ компенсация тўлови қай тариқа тўланиши ҳақида ҳеч ким ҳеч нарса билмайди. 

Фото: «Газета.uz»

Ҳукумат нон нархининг қарийб икки баравар ошиб кетишини шу кунгача давлат томонидан тартибга солинган нон нархи эркин бозор нархи бўйича сотилишига изн берилганлиги билан изоҳламоқда. Фермерларга эса ҳамон эркинлик йўқ. Ҳукуматимизнинг фермерларнинг пешона терини тўкиб етиштирган пахтасига ва уни терувчиларига нарх белгилашга қурби етади-ю аммо нон нархини бирданига қарийб икки баравар оширмасликка қурби етмайди. Бу қандай ҳукумат ўзи, мутлақо тушунарсиз.
Бугун буханка ноннинг ошишига боғлиқ ҳолда оби нонлар нархи ҳам сезиларли даражада кўтарилди. Новвойлар шу кунгача 1 дона оддий оби нонни 1000 сўмдан сотиб келган бўлса эндиликда 1 дона оби нонни 1250 сўмдан 1500 сўмгача бўлган нархда сота бошлади. Бу омил асосий егулиги нон бўлган кўпчилик юртдошларимиз учун жуда қийин бўлди. Ҳукуматнинг эса бу ҳолатдан деярли парвои фалак…
Каримов янги президент бўлган чоғида Қуръони Каримга қўл қўйиб нон нархини оширмайман деб ваъда берганини халқ яхши эсласа керак. Бироқ бояқиш ваъдасига атиги 1 йил ҳам содиқ бўла олмади. Янги Президент эса нон нархини оширмасликка ваъда бермаган. Демак, нонларимиз ярим бараварга эмас бирдагига 3 бараварга ошса ҳам ҳеч кимга арз қилолмаймиз. Аниқроғи, арзимизни эшитгувчининг ўзи йўқ.

Муаллиф:Рўзибой Азимий

Бўлишинг:

Муҳаррир танлови

Бугундан бошлаб тошкент жамоат транспортида йўлкира нархи 16,7 фоизга ошади

15 августдан бошлаб Тошкентда автобус ва метрода йўлкира нархи 1400 сўмни ташкил этади. Агар фоизда ҳисобланса, йўлкира ҳақи 16,7 фоизга ошади. Ойлик йўлкира карточкаларининг ...

Ўзбекистонда гўшт нархи нега бунчалик кўтарилди? сабабларини ўрганиб чиқамиз

Наврўз Мелибоев Гўшт нархининг кескин тарзда кўтарилиши сўнгги кунларда Ўзбекистон истеъмол бозорида муҳокама қилинадиган асосий мавзулардан бирига айланди. Тошкент ...

Қозоғистон марказий осиёда қашшоқлик даражаси бўйича энг паст кўрсаткичга эга

Жаҳон банкининг Марказий Осиё бўйича иқтисодчиси Уильям Зейтц, Қозоғистон Марказий Осиёда қашшоқлик даражаси бўйича энг паст кўрсаткичга эгалиги хақида баёнот берди. Уильям ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400