Буюк Британияда яшовчи чет эллик фуқаролар эндиликда мамлакатдан уй-жой, яъни кўчмас мулк сотиб оладиган бўлса, қўшимча солиқ тўлайди. Бу ҳақда Бирлашган Қироллик бош вазири Тереза Мэй маълум қилган.
“Times” газетасига берган интервьюсида Британия вазирлар маҳкамаси раҳбари бу ташаббусни қўллаб-қувватлашини билдирган. Унинг сўзларига қараганда, чет элликларга нисбатан қўлланувчи бир фоиздан уч фоизга бўлган ушбу солиқ уй-жойнинг нархи кўтарилиб кетмаслигини таъминлайди. “Риа Новости” Буюк Британиядаги мазкур янгилик мамлакатнинг Европа Иттифоқи таркибидан чиққанидан сўнг амалга ошиши ҳақида маълумот берган.