Бухорода ўтказилган Татаристон маданияти кунларида 35 нафардан зиёд маданият ва санъат вакиллари томонидан концерт дастури намойиш этилди.
Жорий йилда Ўзбекистон Республикаси ҳамда Россия Федерацияси ўртасида дипломатик муносабатлар ўрнатилганининг 25 йиллиги муносабати билан Россия Федерациясининг Татаристон ва бошқа субъектлари билан ҳамкорлик алоқалари янги босқичга кўтарилди.
Буни куни кеча Бухорода ўтказилган Татаристон кунлари маданияти мисолида айтиш мумкин. Татаристон маданияти кунлари кўп асрлик маданий-тарихий алоқаларни тубдан кенгайтириш учун ишончли пойдевор бўла олди. Хусусан, Қозон ансамбли иштирокидаги концерт дастурида Татаристон халқининг бой анъана ва қадриятлари ифодаси намоён бўлди.
Маданият кунлари доирасида бадиий ва фото кўргазмалар ташкил этилди.