Кимё бўйича Нобель мукофоти совриндори Азиз Санжар Ўзбекистонга келади

Ўзбекистон Миллий университети раҳбариятининг расмий таклифига биноан Шимолий Каролина университети (АҚШ) биокимё ва биофизика профессори, кимё бўйича 2015 йилги Нобель мукофоти совриндори Азиз Санжар 15-22 октябрь кунлари Ўзбекистонга ташриф буюради. Бу ҳақда Turon24 нашри университет матбуот хизмати маълумотига асосланиб  ёзмоқда.

Азиз Санжар

Ташрифдан кўзланган мақсад молекуляр биология соҳасида фаолият кўрсатаётган мутахассислар билан тажриба алмашиш ҳамда республиканинг ёш олимларини инновацион илмий-тадқиқот фаолияти билан кенг шуғулланишга йўналтиришдан иборат.

Ташрифнинг дастлабки кунида профессор Азиз Санжар бир қатор тадбирларда иштирок этиши кўзда тутилган: Ўзбекистон олий ва ўрта махсус таълим вазири Иномжон Мажидов, Туркия Республикасининг Ўзбекистондаги фавқулодда ва мухтор элчиси Аҳмет Башар Шен, ЎзМУ ректори Авазжон Мараҳимов, Ўзбекистон бош вазири ўринбосари Азиз Абдуҳакимовлар билан учрашув ҳамда Туркия ҳамкорлик ва мувофиқлаштириш агентлиги (TIKA) Тошкент ваколатхонасига ташриф режалаштирилган.

Ташрифнинг иккинчи куни ЎзМУ да “Азиз Санжар: сарҳадсиз билим ичра кечган ҳаёт” мавзусида халқаро илмий анжуман ўтказилиши режалаштирилган. Конференция доирасида Азиз Санжарга ЎзМУ фахрий доктори унвони тақдим этилиши кўзда тутилган.

Ташриф давомида профессор Азиз Санжар бакалавриат, магистратура, докторантура таҳсил олувчилари ва тадқиқотчиларга “ДНКнинг тикланиши, саратон ва кимёвий даволаш” мавзусида онлайн маъруза ўқийди. Шунингдек, унинг ўзбекистонлик ёш олимларга “Фан ва миллий тараққиёт” мавзусида мурожаат этиши кўзда тутилган. Сўнгра олим ЎзМУ даги Тармоқлараро молекуляр биология лабораториясининг очилиш маросимида иштирок этади.

18-21 октябрь кунлари профессор Азиз Санжар Урганч, Хива, Бухоро ва Самарқанд шаҳарларининг тарихий обидаларини зиёрат қилади.

Маълумот учун: Азиз Санжар асли туркиялик бўлиб, 1971 йилдан буён АҚШда фаолият юритади. У 2015 йили Томас Линдал ва Пол Модричлар билан биргаликда ДНК ни тиклаш механизмларини тадқиқ этгани учун кимё бўйича Нобель мукофотига сазовор бўлган эди.

 

Бўлишинг:

Муҳаррир танлови

Ўзбекистонда шифокорлар ва ўқитувчиларнинг ойлиги яна оширилади

Ўзбекистонда шифокорларнинг иш ҳақи 1 декабрдан 20 фоизга, келаси йил 1 апрелдан яна 15 фоизга оширилади.  Бу ҳақда молия вазири ўринбосари Дилшод Султонов ОАВ вакиллари ...

Долларфурушларнинг ошиғи олчи

Қашқадарё вилояти Шаҳрисабз шаҳридаги валюта қора бозори ҳамон очиқчасига "фаолият" юритаётир. Валютафурушлар қӯлларидаги даста-даста пуллари билан бемалол ...

Янги алифбода қандай ўзгаришлар бўлиши маълум қилинди

Лотин ёзувига асосланган ўзбек алифбосига бир қатор ўзгаришлар киритилади. Алишер Навоий номидаги Тошкент давлат Ўзбек тили ва адабиёти университети қошида тузилган Ишчи ...