Қозоғистон ва Ўзбекистон чегарасида юк машиналаридан иборат 6 километрлик навбат пайдо бўлди

Қозоғистон ва Ўзбекистон чегарасида қарийб олти километр узунликдаги юк машиналаридан иборат навбат пайдо бўлди. Қозоғистоннинг «КТК» телеканалига кўра, ҳайдовчилар божхона постида текширувдан ўтиш учун кунлаб кутиб туришибди.

Бир неча кун давомида ўнлаб юк машиналари гуллар, озиқ-овқат маҳсулотлари, айримлар дори-дармонларни олиб ўтишга ҳаракат қилмоқда. Одамлар оддий шароитларга ҳам эга бўлмаган машина кабинасида яшашмоқда, улар ҳожатхона масаласида чўлга чиқишга мажбур бўлишяпти.

Ҳайдовчиларнинг эътироз билдиришича, улар ҳаттоки ҳеч нимани бузмасалар ҳам, постларда пул тўлашига тўғри келмоқда. Туркистон вилоятининг давлат даромадлари департаментида норози бўлганлардан шикоят қилиш сўралган. Сабаби уларга ҳатто ишонч телефонлари орқали ҳам ҳеч қандай сигнал берилмаган.

Уларнинг маълумотларига кўра, Ўзбекистон чегарасидаги постлар аврал (ёпирилиб ишлаш) режимида 24 соат давомида ишлаяпти. У ерда белгиланган 100та юк машинаси ўрнига, кунига 150та автомобиль ўтмоқда. Бу ҳолат мамлакатлар ўртасидаги товар айирбошлашнинг кескин ўсиши билан боғлиқ.

«Навбатсиз ўтадиганлар 300-400 доллар беради. Агар бермасангиз, уч-тўрт кун турасиз. Агар навбат билан бўлса, барибир яна 100 доллар сўрашади. Мисол учун, мен 8 тонна олиб кетяпман, менга эса шундай дейишади: агар пул бермасанг, мен сенга 2 тонна ортиқча юк ёзиб қўяман, бу эса жарима. Бу Қозоғистонда, Ўзбекистонда бундай нарса йўқ», – дейди ҳайдовчилардан бири.

Манба:Кун.Уз

 

Бўлишинг:

Муҳаррир танлови

Бирдамлик халқ демократик ҳаракатининг баёноти

2018 йил  2 апрель Мухолифатдаги Бирдамлик Халқ Демократик ҳаракати ДХХ раиси Ихтиёр Абдуллаевнинг мухолифатга қарши билдирган танқидий муносабатини қоралайди. (more…)

Ўзбошимчалик билан қурилган уйларни қонунийлаштириш бўйича акция якунланишига 2 кун қолди

Ўзбошимчалик билан қурилган иморатларни қонунийлаштириш бўйича бир марталик умумдавлат акцияси якунланишига 2 кун муддат қолди. Бу ҳақда Давлат хизматлари агентлиги матбуот ...

Акс-садо: фарёд

Мусофирлик йўлларида умринг толди, Ўт балоси жонгинангни қамраб олди, Яқинларинг сочин юлиб, фарёд солди, Орзулари армон бўлган юртдошим-а!   Қанча-қанча диллар чекди ...