Бошқа мавзуларЎзбекистон касаба уюшмалари федерацияси ҳамда Халқаро меҳнат ташкилоти ҳамкорлигида “Заковат” интеллектуал ўйини доирасидаги “Талабалар кубоги-2018” турнирининг 2-минтақавий саралаш баҳслари Бухорода кечди.
Бунда Қорақалпоғистон Республикаси, Бухоро, Навоий ва Хоразм вилоятларидан келган 15 та олий таълим муассасаси жамоаси қатнашди.
“Иштирокчи жамоаларга уч тур бўйича 36 та саволлар тақдим этилди. Саволлар талабаларнинг мантиқий фикрлаш доираси ва дунёқарашини кенгайтиришга, шунингдек, меҳнат ҳуқуқига оид билимларини тарғиб қилишга қаратилган. Мазкур босқичда Қорақалпоғистон Давлат университети жамоаси биринчи, Урганч Давлат университети иккинчи ҳамда Нукус Давлат педагогика институти жамоаси учинчи ўринни эгаллади”,-деди Халқаро меҳнат ташкилоти вакили Сайёра Искандарова.
“Талабалар кубоги -2018″нинг республика босқичи жорий йилнинг 16 ноябрида бўлиб ўтади.
