Қирғизистон Президент Сооронбай Жээнбеков 2017-йили 890 минг 994 сом ишлаб топган. Бу ҳақида унинг декларациясида кўрсатилган. Бу маълумотни Қирғизистондаги махаллий ОАВлари ёзишмоқда.
Бундан ташқари Президентнинг ихтиёридаги мулкларидан майдони 160 кв.м бўлган уй, 60 кв.м майдонга эга дала ҳовлисини кўрсатди. Булардан ташқари, президентнинг 61,45 гектар ер майдони ва МТЗ-80 трактори бор.
Сооронбай Жээнбековнинг яқин қариндошлари 3,7 миллион сом ишлаб топишган. Уларнинг 64 кв.м бўлган уйи, «Лексус 470» автомобили ва 20,6 гектар ер майдони борлигини кўрсатишган.
Президент 2017-йилдаги ҳаражатлари бўйича маълумот берган эмас.
Эслатиб ўтамиз, Қирғизистон қонунчилигида амалдорлар ҳар йили ўз мулклари учун декларация тўлдириши шарт.