Саратовдаги фожиа. Россиялик депутат чақириқ билан чиқди

Саратов областининг Қозоғистон билан чегарасида автобус иштирокида юз берган йўл-транспорт ҳодисасидан сўнг, чегарага яқин туманларда йўловчилар ташиш устидан назоратни кучайтириш керак, у ерда йўл ҳаракати хавфсизлиги хизмати ходимлари сонини ошириш зарур, дея ҳисоблайди Саратов областидан РФ Давлат думаси депутати Николай Панков.

Николай Панков                                                                     Фото:АиФ

 

Аввалроқ, жорий йил 17 ноябрь куни Москва вақти билан соат 12:00ларда Саратов области Озинский райони ҳудудидан ўтувчи «Саратов – Уралск – Қозоғистон» автомобиль йўлининг 225-километрида темир йўл поезди кесишмасида юк поезди ва «Сетра» русумли автобус иштирокида тўқнашув содир бўлгани хабар тарқалган эди.

Мазкур ЙТҲ натижасида автобус салонида бўлган 7 кишидан 5 нафари (Ўзбекистон фуқаролари) воқеа жойида ҳалок бўлган, 2 нафари (Қозоғистон фуқаролари) тан жароҳати олган.

Шунингдек, Россия полицияси Саратов областида поезд билан тўқнашган автобус ҳайдовчиси қўлга олингани ва унга нисбатан жиноий иш қўзғатилганини хабар берди.

«Ўйлайманки, фожианинг сабаблари ҳақидаги масалани кўтариш муҳим. Кўп ҳолатларда чегараолди мамлакатлари бизнинг давлатимизга йўловчи ташувлари орқали пул ишлаб, хавфсизлик чораларини ёддан кўтармоқда. Фикримча, автобус ташувлари, айниқса, транзитлар устидан назоратни кучайтириш керак», – дея ёзган Панков ўз Telegram-каналида.

«Йўловчилар хавфсизлиги ҳисобидан пул тежаб қолинмаслиги, носоз транспорт йўлга қўйилмаслиги, профессионал бўлмаган ёки ҳаддан ташқари кўп ишлайдиган, оқибатда сафар давомида ухлаб қолиши мумкин бўлган ҳайдовчилар йўлга чиқарилмаслиги керак. Балки, чегарага яқин ҳудудларда йўл ҳаракати хавфсизлиги хизмати ходимлари сонини кўпайтириш, транспорт назоратини кучайтириш керакдир. Ўз ваколатларим доирасида бу борадаги ишларга қўшилишга тайёрман», – дея қўшимча қилиб ўтди у.

Депутат ҳалок бўлганларнинг яқинларига таъзия билдирди.

Эслатиб ўтамиз, аввалроқ Саратовда поезд ва автобус тўқнашувида ҳалок бўлган ўзбекистонликларнинг шахси маълум қилинганди,-дея ёзмоқда Кун.уз нашри.

 

Бўлишинг:

Муҳаррир танлови

Бугундан эътиборан хорижий веб-сайтлардан тўлиқ фойдаланиш имкони мавжуд бўлади

ЕХҲТ нинг ОАВ эркинлиги масалалари бўйича вакили Арлем Дезирнинг Ўзбекистонда айрим хорижий ахборот веб-ресурсларига кириш имконияти чекланганлиги ҳақидаги расмий мурожаати ...

Бухоро ариғидан 2 яшар боланинг жасади топилди

8 август куни соат 17:21 да «102» рақамига фуқаро қўнғироқ қилиб, Бухоро шаҳри Пиридастгир кўчасида жойлашган 23-сонли мактаб олдидаги ариқдан ўғил боланинг жасади оқиб ...

Афғонистонда аёл журналистлар эфирга юзларини ёпиб чиқмоқда

Янгиликлар ва бошқа дастурларда суҳандонлик қилаётган аёллар 22-майда «Толибоннинг» буйруғига биноан эфирга юзларини ёпган ҳолатда чиқишди. Шу ойнинг бошида «Толибон» ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400