Бошқа мавзуларФарғона шаҳрида ҳозирги кунда Маҳалла фуқаролар йиғини раислари ва раисаларини турли йиғилишларга чақириш одатий ҳолга айланиб бормоқда. Иш куни давомида бўлаётган йиғилишларга ҳеч ким қаршилик қилмай бориши мумкин, лекин бу йиғилишлар иш кунидан ташқари дам олиш кунлари бўлса малол келмай қолмайди.
Ҳар бир кишининг дам олиш кунлари ўзлари режалаштириб қўйган ишлари бўлади. Шунинг учун дам олиш кунларида ўтказиладиган йиғилишларга барча маҳалла раислари тўлиқ қатнашмасликлари мумкин.
2018 йил 18 ноябрь, якшанба дам олиш куни Фарғона шаҳар ҳокимиятининг Мажлислар залида соат 14:00 да маҳалла раисларини йиғилишга келишлари Фарғона шаҳар Маҳалла жамоат фонди ходимлари томонидан айтилди.
Мен ушбу йиғилишга ўғлимнинг соғлиги яхши бўлмаганлиги ва дам олиш куни эканлиги учун қатнашолмадим. Бугун менга Маҳалла жамоат фонди мутахасислари телефон қилиб шаҳар ҳокимиятига, кадрлар билан ишлаш бўлимига келишим кераклигини айтишди. Мен бордим. Мени Фарғона шаҳар ҳокимиятидаги кадрлар билан ишлаш бўлими мутахассиси Шерзодбек Камолов қабул қилиб, кеча йиғилишга нима сабабдан қатнашмаганлигим тўғрисида Фарғона шаҳар ҳокими Хамиджон Ҳабибиддинов номига тушунтириш хати ёзиб беришим кераклигини айтди.
Мен якшанба дам олиш куни бўлса нима учун тушунтириш хати ёзишим керак деб, сўраган эдим у бу иш шаҳар ҳокими Х. Ҳабибиддиновнинг топшириғи, мен бажарувчи одамман, холос, агар ёзмасангиз гувоҳлар иштирокида далолатнома тузаман деб, айтгандан сўнг иложсизликдан йиғилишга қатнашмаганлигим тўғрисида тушунтириш хати ёзиб бердим.
Ўзбекистонни қайси қонунларида дам олиш кунларида йиғилиш қилиб йиғилишга қатнаша олмаган ходимлардан тушунтириш хати олиш, борлиги кўрсатилган экан? Ёки Фарғона шаҳар ҳокими мавжуд қонун-қоидаларга бӯйсунмаслик ҳуқуқига эгами?
Гулҳаё Бобожонова,
“Бирдамлик” Халқ-демократик партияси фаоли
