ТОШКЕНТДА ИССИҚ СУВ НАРХИ ЯНА ОШАДИ

Жорий йилнинг 8 декабридан бошлаб Тошкентда «энергия ташувчилар ва материаллар нархи ошиши» муносабати билан марказий иситиш тизими ва иссиқ сув таъминоти тарифлари кўтарилади.

Иллюстратив фото

Аҳоли учун марказий иситиш тизимига бир ойлик тариф турар-жой квадрат метри учун 1610,99 сўмгача оширилади. Иссиқ сув таъминоти учун янги тариф ҳисоблагичсиз киши бошига 18609,24 сўмни ташкил этади, ҳисоб ускунаси бўлганда иссиқ сув таъминоти кубометрига 4765,20 сўмга тенг бўлади. Умумий ювиниши хонаси бўлган ётоқхоналарда яшовчилар учун иссиқ сув нархи киши бошига бир ойда 13843,47 сўмни ташкил этади. Бу ҳақда “UzNews.uz” нашри «Тошиссиққуввати» корхонаси маълумотига асосланиб хабар берди.

 

Иссиқлик энергияси ҳисоблагичлари бўлмаган юридик шахсларга иссиқлик энергиясини етказиб бериш тарифи иссиқлик энергиясига белгиланган тарифнинг икки баробарлик миқдорини қўлланган ҳолда амалга оширилади (кўп квартирали уйларда жойлашган юридик шахсларга етказиб берилувчи иситиш учун иссиқлик энергиясидан ташқари).

 

Иссиқ сув ҳисоблагич қурилмалари бўлмаган аҳолига етказиб бериладиган иссиқ сув учун ҳақ иссиқ сув таъминоти хизматларига ўрнатилган тарифларга 1,5 баробарлик ошиб борувчи коэффициентни қўллаган ҳолда амалга оширилади.

 

Пропискадан ўтмаган фуқаролар бўлган турар-жой иншоотларида иссиқ сув учун ўлчаш мосламалари мавжуд бўлмаганда, иссиқ сув таъминоти хизматлари учун ҳисоб-китоблар истеъмол нормалари, иссиқ сув таъминоти хизматларининг белгиланган тарифларига 1,5 баробарлик коэффициентни қуйидагича ҳисоблаган ҳолда ўрнатилади:

 

– битта хонали ва икки хонали квартираларда бир киши учун;
– уч хонали квартирада икки киши учун;
– тўрт хонали квартирада уч киши учун;
– беш хонали квартирада тўрт киши учун.

 

Эслатиб ўтамиз, Ўзбекистонда иссиқ сув ва иссиқлик таъминоти нархлари 2018 йил 16 ноябрдан бошлаб оширилганди.

 

Бунга қадар иссиқ сув ва иситиш тарифлари шу йилнинг майида ошганди. Унга кўра, Тошкент аҳолиси, ҳисоблагич бўлган ҳолатда иссиқ сувнинг бир кубометри учун 10,6 фоизга ўсиб, 3915,9 сўмдан 4332 сўмга етганди. Ҳисоблагич мавжуд бўлмаганда ойига киши бошига 16 917,49 сўм тўланган.

 

Бўлишинг:

Муҳаррир танлови

Қирғизистонда оқ қалпоқ куни нишонланмоқда

Қирғизистонда 5-март куни Оқ қалпоқ куни нишонланади. Ушбу сана билан Президент Садир Жапаров халқини табриклаб, “Замонлар синовидан ўтган маданиятимиз дунёга танилишидан ...

Булунғур ариғидан аёл кишининг жасади топилди

 Самарқанд вилояти Булунғур туманида Булунғур ариғидан аёл кишининг жасади топилди. Бу ҳақда Sputnik Ўзбекистон хабар қилди. Иллюстратив фото Воқеа гувоҳларининг сўзларига ...

«эгизак фарзандларимга жаҳонгир ва ортиқхўжа деб исм қўйсам, ҳокимбува tashkent city’нинг юқори қаватидан уй берармикинлар? худога яқин бўлиб, дуо қилиб ётардим»

Тошкент шаҳар ҳокими Жаҳонгир Ортиқхўжаевнинг бир мурожаатчи аёл билан бўлган мулоқоти видеопарчаси ижтимоий тармоқларда тарқалиб кетди. Аёл кўп қаватли уйнинг 1-қаватидан ...