Бошқа мавзуларОстона шаҳрининг темир йўл вокзалига яқин ҳудудда фоҳишахона аниқланди, унда пул эвазига жинсий хизматлар кўрсатиш билан шуғулланган 7 нафар аёл бўлган. Қўлга олинганларнинг бари Ўзбекистон Республикаси фуқаролари бўлиб чиқди, ҳар бир аёлга нисбатан миграция қонунчилиги талаблари бузилгани туфайли маъмурий иш қўзғатилди. Бу ҳақда Кун.уз нашри Остона полиция департаменти матбуот хизматига асосланиб хабар берди.
Ўзбекистон Республикаси Ички ишлар вазирлиги вакили қўлга олинган шахслар билан профилактик суҳбат ўтказди. Маъмурий суд қарорига кўра Ўзбекистон Республикаси фуқаролари бўлган уч нафар аёл давлатдан чиқариб юборилди.
Жорий йилнинг 22 ноябридан 26 ноябрига қадар Қозоғистон пойтахти ҳудудида полициячилар томонидан STOP-трафик тезкор-профилактик тадбир ўтказилди. Тадбир давомида уюшган жиноятчилик билан кураш бўйича бошқарма ходимлари томонидан қўшмачилик билан шуғулланган учта сауна маъмурлари жиноий жавобгарликка тортилди. Рейдлар пайтида пул эвазига жинсий хизмат кўрсатиш билан шуғулланувчи 48 қиз полицияга олиб кетилди.
