АВИАТРАССА — фуқаро ҳаво флотининг турли самолётлари ва вертолётлари мунтазам равишда қатнайдиган ҳаво йўли. Авиатрасса да аэродромлар ва бошқа воситалар (йўл чироқлари, таниш белгилари, авиация маёқлари ва ҳоказо) бўлади. Фуқаро авиациясида самолёт ҳамда вертолётлар, одатда, Авиатрасса бўйлаб учади.
Баъзан айрим ҳолларда (экспедиция, тиббий ёрдам кўрсатиш ва бошқа) Авиатрассадан ташқари ҳам учиш мумкин. Ўзбекистонда — биринчи марта 1924 йилда Тошкент — Авлиёота — Пишпек Авиатрассаси барпо этилган. 1999 йилда «Ўзбекистон ҳаво йўллари» Миллий авиакомпанияси билан 55 чет эл авиакомпанияси ўртасида йўловчи ва юклар ташиш бўйича ҳамкорлик ўрнатилди.
Миллий авиакомпания Европа, Осиё ва АҚШ давлатларининг Ўзбекистон Республикаси ичида 16 йўналиш бўйича самолётлар қатновини йўлга қўйди. Ўзбекистон Республикасидан қатнайдиган умумий ҳаво йўлининг узунлиги 2 млн. км дан ошди.
Манба:ЎзМЭ