Ишлаётган пенсионерлар 2019 йилдан пенсияни тўла миқдорда олади

Ўзбекистонда келаси йилдан бошлаб ишлаётган пенсионерларга пенсиялар тўла миқдорда берилади. Бу ҳақда Конституция қабул қилинганининг 26 йиллигига бағишланган тантанали маросимда Президент Шавкат Мирзиёев маълум қилди.

Президентнинг қайд этишича, «Конституциямизда аҳолининг муҳим ижтимоий ҳуқуқи сифатида кафолатланган пенсия таъминоти» энг долзарб масалалардан бири бўлиб қолади.

 

Унинг қўшимча қилишича, 2019 йилдан бошлаб пенсия тўловининг юқори чегараси энг кам ойлик иш ҳақининг 8 баробари (9 декабрь ҳолатига кўра — 1 621 840 сўм)дан 10 баробари (2 027 300 сўм)га оширилади (Президент бу ташаббусни августдаёқ  илгари сурганди).

 

«Ўзбекистондаги ижтимоий ҳимоя моделини реал талаблар асосида умумэътироф этилган халқаро стандартлар даражасига кўтариш зарур», — деди Президент ўз чиқиши давомида.

 

«Газета.uz »нинг қайд этишича, ишлаётган пенсионерларга пенсияни тўлиқ ҳажмда тўлашни назарда тутувчи ҳужжатларнинг лойиҳалари 2018 йил давомида бир неча бор эълон қилинди, бироқ уларнинг қабул қилингани ҳақида хабар берилмади. Ҳозирда, айрим категориялардаги пенсионерларни ҳисобга олмаса, аксарият ишлаётган пенсионерлар пенсияни 50 фоиз миқдорда олади.

Манба: Телеграммдаги Daryo — LIVE канали

Бўлишинг:

Муҳаррир танлови

Ўзбекистонда йил бошидан буён 90та қотиллик содир этилди

Прокуратура органлари тергов тармоқлари фаолияти устидан назорат бошқармаси томонидан прокуратура органлари томонидан 2019 йилнинг дастлабки 3 ойида тергов қилинган жиноят ...

Қозоғистондаги тартибсизликларда камида 164 киши ҳалок бўлди

Қозоғистондаги тартибсизликларда камида 164 киши ҳалок бўлди, дея хабар бермоқда Қозоғистон ОАВлари соғлиқни сақлаш вазирлигига таяниб.   Ҳалок бўлганларнинг аксарияти ...

Бош прокуратура гулнора каримовага босим ўтказилаётганини рад этмоқда

Ўзбекистон биринчи президентининг қизи Гулнора Каримовага босим ўтказилаётгани йўқ, унинг шифокорлар қабулига эркин кириши таъминланган, дея хабар қилди Бош прокуратура ...