Ўзбекистонда доллар курси ошиши тўхтади ва 125 кунда биринчи бор пасаймоқда

АҚШ долларининг расмий курси 125 кунда биринчи бор ўсишдан тўхтаб, 2,2 сўмга пасаймоқда, деб ёзмоқда “Турон24” нашри. Прогнозга кўра, душанбадан доллар курси 8312,6 сўмга тенг бўлади. Бу ҳақда валюта биржасида савдо якунлари далолат беради.

Иллюстратив фото

Ўзбекистонда доллар курси охирги 18 ҳафта давомида муттасил ошиб келган эди. Жорий йилнинг 7 августида долларнинг энг паст курси – 7783 сўмдаражасида қайд этилган бўлса, 4 ой давомида доллар 531 сўмга қимматлашиб, ўтган ҳафтада унинг курси 8314 сўмга етган.

Марказий банк сентябрда доллар курсининг ошиб кетиши сабабини тушунтирган эди. Унга кўра, Ўзбекистонда АҚШ доллари курсининг ошиши мамлакатнинг энг йирик савдо ҳамкорлари – Россия, Қозоғистон, Хитой ва Туркияда рўй бераётган девальвациянинг оқибатида рўй берди.

“Жорий йилнинг август ойидан бошлаб валюта курси динамикасига ташқи омиллар, айниқса, мамлакатнинг асосий савдо ҳамкорлари бўлган давлатлар миллий валюталарининг қадрсизланиши (Россия – 19 фоиз, Қозоғистон – 17 фоиз, Хитой – 9 фоиз, Туркия – 56 фоиз) таъсири кучайди. Ҳисоб-китобларга кўра, ушбу давлатлар валюталари курсларининг кескин ўзгариши Ўзбекистонда валюта курсига бир ойдан уч ойгача бўлган муддатдан кейин ўз таъсирини кўрсатади. Натижада сўмнинг ушбу давлатлар валюталарига нисбатан қадри сезиларли даражада ошди (Россия рублига нисбатан 29 фоиз, Қозоғистон тангасига нисбатан 22 фоиз, Туркия лирасига нисбатан 67 фоиз, Хитой юанига нисбатан 14 фоиз)”, дейилади Марказий банк изоҳида.

Ҳозирги пайтда аксарият тижорат банклари аҳолидан долларни 8290 сўмдан сотиб олмоқда. Қишлоқ қурилиш банки, Ипак йўли банки ва “Туронбанк” яхшироқ курс таклиф этган: 1 доллар нархи – 8300 сўм. Энг юқори курсда эса Универсал банк сотиб олмоқда – 8310 сўм.

 

Бўлишинг:

Муҳаррир танлови

Фозил жабборов:“чидагин, болам-а, чидагин!”

Болам! Туғилишинг ҳаётим(из)га чиндан қувонч олиб келди. Сенга ўзбекча, аниқроғи, соф туркийча исм қўйгим келди. Дадам, онам билан маслаҳатлашиб, сени Элгиз деб атадик. Дунё ...

Қирғизистоннинг ташқи қарзи камайиб, ички қарзи кўпайди

Қирғизистон 77,13 миллион доллар ташқи қарзини узди. Бу ҳақда Молия вазирлигининг 2021-йил январь-ноябрь ойлари учун эълон қилинган баёнотида айтилади. Ички қарз эса 2 ...

“эр-хотин машинасида кўприкдан қулаб, чўкиб кетди”

  "Самарқанд вилояти Пайариқ туманидаги Пойканалнинг Зарбулоқ қишлоғи ҳудудидан оқиб ўтадиган қисмида эр ва хотин "Жигули" машинаси билан бирга чўкиб ўлди. Фожиа 30 июл ...