Бошқа мавзуларБолалар боғчасидаги эрталабки томошада Қорбобо либосидаги эркак киши ҳаётдан кўз юмди. Бу воқеа Россиянинг Кемерово шаҳрида рўй берди. Бу ҳақда Интерфаксга таяниб “Халқ сўзи” нашри маълум қилди.
Манбага кўра, байрам тадбирида эркак кишининг аҳволи ёмонлашган, у кўкрагида оғриқ сезаётганини айтган. Шунда кейин тез тиббий ёрдам чақирилган, лекин шифокорлар етиб келгунга қадар Қорбобонинг жони узилган.
Ёши 67 да бўлган бу киши эртакларда бир неча бор Қорбобо ролини ўйнаб берган эди.
Июнь ойида Светлогорскда “Қорбобо”нинг суди бўлиб ўтганди. Ушбу эртак қаҳрамони кийимини кийиб олган эркак киши шу йил 1 январь куни ўсмирни урган эди.
Гап шундаки, Қорбобо кўчада бир ўсмирни учратиб, ундан шеър ўқишини сўрайди. Ёш йигит эса унинг илтимосини рад этади. Шундан кейин Қорбобо ҳассаси билан унинг юзига туширади, ўсмирнинг жағи синади. Бу ҳақда Рамблер хабар берганди.
