Бошқа мавзуларЖалолобод шаҳрининг мэри Муратали Тагаевнинг 72 ёшлик шаҳар яшовчиси Урниса Турдиевага мэрия иморатида қилинган қўпол муомаласи суриштирилади. Бу ҳақда Қирғизистон Президенти Сооронбай Жээнбеков 19-декабрда Бишкекда бўлиб ўтган матбуот анжуманида журналистнинг саволига жавоб бераётиб маълум қилди. Мэрниг бу ҳаракати бўйича суриштираман, агарда 72 ёшдаги одамга бундай муомала қилган бўлса қонун доирасида жавоб бериши шарт.
Урниса Турдиева “Азаттык” радиосига юборган мурожаатида 28-ноябрда шаҳар мэри Муратали Тагаевга ижтимоий масалалар бўйича, мурожаат қилиш учун борган вақтида, мэр қарияни ҳақоратлаб, куч ишлатиб иш жойидан судраб чиққанини, унга яна икки ҳодим ёрдамлашиб икки қўлидан етаклаб мэрия иморатидан чиқариб юборганини айтган. Турдиева “зўравонлик қилиш” деб мэрга қарши 3-декабрда шаҳар прокуратурасига мурожаат қилган. Прокуратура ушбу йўналишда суриштирув ишлари олиб борилаётганини билдирди.
Жалолобод шаҳрининг мэри Муратали Тагаев у кампирни танимаслигини, мажлисга шошилаётган вақтда келгани сабабли, шикоятларни қабулхона бўлимига беришини таклиф қилганини айтди. “Куч ишлатган” деган маълумотларни барчасини инкор қилди. Муратали Тагаев Қирғизистон парламентининг собиқ спикери ва ҳозирги президентнинг укаси Асилбек Жээнбековнинг қудаси эканлиги барчага маълум.
