Қорақалпоғистон Республикаси Элликқалъа туманида юз берган ёнғинда 4 киши ҳалок бўлди, деб хабар беради Давлат ёнғин хавфсизлиги хизмати матбуот хизмати.
20 декабрь куни туманнинг Сарбий ОФЙда жойлашган уйда яшаган фуқаронинг уйида ёнғин чиққан.
Ёнғин оқибатида уйнинг 165 кв.метр майдонида томи, шифти ва уй жиҳозлари ҳамда ВАЗ 2106 жигули русумли машина ёниб зарарланган.
4 та ёнғин ўчириш экипажлари жалб этилиб, кўрилган тезкор ҳаракатлар натижасида ёнғин бартараф этилган.
Ёнғинни ўчириш вақтида уйнинг ичидан уй эгаларининг тўрт нафар куйган ҳолдаги жасадлари топилган.
Ҳодисанинг келиб чиқиш сабаби аниқланмоқда.