Бошқа мавзуларОАВларда ёзилишича, Жаҳонгир Позилжонов ижросидаги ўта савиясиз қўшиқ ва унга ишланган маддоҳона клип учун «Ўзбекконцерт» бадиий кенгаши томонидан расмий рухсат олинмаган экан. «Zo’rTV» канали вакиллари ҳам буни тасдиқлабди.
Энди савол туғилади: Жаҳонгир Позилжоновнинг ҳам лицензияси олинадими? Ахир хонандалар оддий сабабларга кўра, масалан рухсат сўрамасдан хорижга чиқиш, рухсат берилмаган қўшиқ ёхуд клипларни ТВ тугул, ижтимоий тармоқларда «айлантириш», тадбирларга кела олмаслик ёки «маънавиятсиз» тамғаси босилган клиплар ишлагани учун лицензия олиб қўйиладику.
Ҳозирги ҳолатда эса Президент сиймосидан клипда фойдаланиб, давлат раҳбарини улуғлаш орқали очко ишламоқчи бўлган ва эээнг асосийси «Ўзбекконцерт» бадиий кенгаши тасдиғидан ўтказмасдан туриб энг катта рейтинга эга, дея баҳоланаётган телеканалда эфирга берилиши – жазога тортиш учун етарли эмасми?
Ёки Жаҳонгир Позилжонов ва унинг ортида турган ҳомийлари алоҳида имтиёзга эга шахсларми? Улар учун қоидалар истисно қилинадими?
Кузатамиз, воқеалар ривожи қандай бўларкин… Ишқилиб, бир юмалаб, бу клипга бадиий кенгаш ҳам рухсат берган (ёки берадиган) ва жуда кўпчиликнинг норозилигига сабабчи бўлган савиясиз қўшиқ охир-оқибат телеканалларда одамни «реальный» хит қиладиган даражада айланадиган, бўлмаса бўлди.
