Қашқадарё вилоятининг Қарши шаҳрида 2018 йил 25 декабрь куни И.Каримов кўчасида жойлашган 1-сонли Асаб-руҳий касалликлар шифохонасининг 2-қаватида ёнғин содир бўлди. Бу ҳақда ИИБ матбуот хизмати хабар бермоқда.
Кўрилган чоралар натижасида ёнғин шифокорлар томонидан ўчирилди. Оқибатда 2-қаватнинг 2 кв.м. майдони ёниб зарар кўрган ва шу шифохона тарбияланувчиси Р.С. куйиш жароҳатини олган. Суриштирув ишлари натижасида ёнғин электр иситиш печи устига кийим-кечакларни қуритиш учун илиб қўйилганидан келиб чиққанлиги аниқланган.