Бугун 5 январь куни Бирлашган Араб Амирликларида 17-Осиё Кубоги мусобақасига старт берилади. Мусобақадан ўрин олган учрашувлар 4та шаҳарда: Абу Даби, Дубай, Шаржа ва Ал-Айн шаҳарларида бўлиб ўтади. Тарихда биринчи марта турнирда 24та терма жамоа иштирок этади. Бу ҳақда “ufa.uz” сайти ёзмоқда.
Бугун Абу-Даби шаҳридаги “Зайд Спорт Сити” ўйингоҳида мусобақанинг очилиш учрашуви бўлиб ўтади. Унда мезбон БАА терма жамоаси Баҳрайнга қарши баҳс олиб боради. Учрашув Тошкент вақти билан соат 21:00да бошланади.
Эслатиб ўтамиз, Ўзбекистон мусобақадан ўрин олган дастлабки учрашувни 9 январь куни Шаржа шаҳрида Уммон терма жамоасига қарши ўтказади.