Ҳокимга мурожаат — фитна бўлдими?!

Ижтимоий тармоқларда Тошкент шаҳар ҳокими, сенатор Жаҳонгир Ортиқхўжаевнинг тамаки тутатиб, фуқаро мурожаатига беписандларча тургани акс этган видео роса оммалашмоқда.

Фото: Халқаро пресс-клуб.

Хуллас, ўша видеода бир аёл фуқаро ҳокимни кўчада кўриб қолиб, мурожаатини айтган (ҳатто президент аҳоли билан юзма-юз кўришмоқда, ҳоким ким). Ортиқхўжаев қўлда сигарета билан аёлнинг дардини эшитган.

“Учта фарзандим бор, 4 ёш, 3 ёш, 1,5 ёш. 25% тўлов билан 7-қаватдан беришди. 3 та болам бор. Пастроқ қаватдан беринглар десам, “ногирони борга бераман”, деб таниш-билишга беришганини кўрдим. Агар шунақа юраверсанг, бирор ерга арз қилсанг, уйингни олиб қўяман деди”, деган аёл.

Ҳоким эса “Болалар ўзингизникими?” (шунақаям савол бўладими?), “Худога яқин бўлиб, дуо қилиб ётинг” (шунақаям дейдими ҳоким фуқарога), деб жавоб қайтарган. Тошкент шаҳар ҳокими ҳар ҳолда сал ўзини тутиб олган бўлиши, аҳоли билан муомала қилишда намуна кўрсатиши керакмасмикан атрофидагиларга.

“Қалампир.уз” деган сайтда кеча шапалоқдек мақола чиқди: “Жаҳонгир Ортиқхўжаевга қарши фитна”. Албатта, ҳокимнинг ишлари оқланган ва ёқланган. Балки ўша аёл ношукрлик қилгандир, эҳтимол алдаётгандир, ростанам 3 та боласи йўқдир. Аммо бу ҳокимнинг ва унинг ходимларининг қўполлашиши учун баҳона, сабаб ёки асос бўла оладими?

Қолаверса, фуқароларнинг ҳокимга мурожаати қачондан бери фитна саналадиган бўлиб қолди? Бу мақоланинг ўзидан фитна ҳиди анқимаяпти? Аслида бетарафлик керак бўлса, аёлниям, ҳокимниям ёзмаслик керак, муносабат билдирмаслик керак. Нега фақат бир томон, бўлибам корчалон томоннинг тарафи олинмоқда?

Манба:Zed News

Бўлишинг:

Муҳаррир танлови

Бағрикенгликнинг сарҳади борми, чегараси қаерда?

Миллатимизнинг ғурур ва ифтихорига айланиб улгурган мустақиллик байрамида янграётган ажнабий тилдаги операга ва унинг учун муҳташам залда чалинган қарсакларга ҳамда (ҳар ...

Қўқондаги махсус коллеж тарбиячиси: “қизларнинг аксарияти коллежга келгунига қадар номусини йўқотган”

Қўқон шаҳар махсус енгил саноат коллежидаги жинсий зўравонлик қурбони бўлган деб тахмин қилинаётган ўқувчи қизларнинг аксарияти коллежга келгунига қадар номусини ...

Тошкентда сумка ичида кўчага ташлаб кетилган чақалоқ топилди

Тошкент шаҳрининг Сергели туманида 27 январь куни соат 14:00 ларда Лутфикор 4-тор кўчасида яшовчи фуқаро уйи олдига яқинлашганида спорт сумкасига солинган, янги туғилган ўғил ...