«Эгизак фарзандларимга Жаҳонгир ва Ортиқхўжа деб исм қўйсам, ҳокимбува Tashkent City’нинг юқори қаватидан уй берармикинлар? Худога яқин бўлиб, дуо қилиб ётардим»

Тошкент шаҳар ҳокими Жаҳонгир Ортиқхўжаевнинг бир мурожаатчи аёл билан бўлган мулоқоти видеопарчаси ижтимоий тармоқларда тарқалиб кетди. Аёл кўп қаватли уйнинг 1-қаватидан хонадон олиш учун пул тўлагани, бироқ унга 7-қаватдан уй беришмоқчи эканлигини айтганида, сигарет тутган ҳоким унга: «Худога яқин бўлиб, дуо қилиб ётинг», деб жавоб берган — бу ўша видеопарчанинг кулминацияси, видеода бошқа гаплар ҳам бор.

Мақталган ҳоким билан боғлиқ кўнгилсиз, инқирозли ҳолат. Ижтимоий тармоқдаги аксарият фаолларга ҳоким Ортиқхўжаевнинг бундай муомаласи хуш келмагани табиий ҳол.

«Тошкент ҳокимининг оддий одамларга муносабатини кўриб, кўпчиликнинг ғазаби келганини яхши тушунаман. Уч фарзанднинг онаси бўлган аёлга: «Ўзингизнинг болангизми ёки бировникими?», деб савол қўйиши — нафақат маданиятсизлик, балки ўша аёлни очиқ-ойдан ҳақорат қилишдир!», — деб ёзади ижтимоий тармоқ фойдаланувчиларидан бири.

«Тўғри, ҳоким бу каби майда-чуйдалардан безиган, асаби бузилган, шу сабабли «катта режалари» қолиб кетаётган, ҳатто бу савол-жавоб атайлаб — иғво қилиш мақсадида уюштирилган бўлиши ҳам мумкин. Лекин бу уни оқлашга асос бўлолмайди. Шундайига ҳам уронғич, сўконғич ҳокимлар  манзарасида Ортиқхўжаевники ошиб тушди», — деб қўшимча қилган бошқа бир фойдаланувчи.

Тармоқ фойдаланувчилари орасида ҳар икки томонни ҳам муросага чақирганлар бор: «Икки кундан бери шаҳар ҳокими ҳақида уятсиз ва ноҳақ гаплар ёзаётганлар, инсофга келинг. Шу уйлар қурилмаган пайтларда ҳам жимгина юргандик… Биз шундай оломонмизми? Уятсизмизми?.. Жаҳонгир ака, сиздан ҳам илтимос, ўша аёлга ёрдам беринг».

Жаҳонгир Ортиқхўжаевнинг айтган гапи-ю муомаласи бир мавзу, уч эгизак фарзандини Президент шарафига Шавкат, Миромон, Мирзиё деб атаб, Cobalt’ли бўлаётганлар бошқа бир мавзу. Халқ эса тенги йўқ ижодкор: «Эгизак фарзандли бўлсам, бирига Жаҳонгир, иккинчисига Ортиқхўжа деб исм қўйсам, ҳокимбува Tashkent City’нинг янги Бульваридан бир квартира берармикинлар? Энг юқори қаватидан бўлса ҳам майли — Худога яқин бўлиб, дуо қилиб ётардим».

Манба: “Дарё-Лайф”

Бўлишинг:

Муҳаррир танлови

Халқаро  сиёсий  майдонларда   ўзбек тилимиз  қачон  янграйди,  ёхуд  ўзбекистондаги  халқаро сиёсий  учрашувлар, тадбир  ва  анжуманларда  давлат   раҳбарларимиз  қачон  ўзбек  тилида  сўзлайдилар

(Ўзбек тили Ўзбекистоннинг Давлат Тили эканлиги ҳақидаги қонун қабул қилинганининг 28 йиллигига бағишлайман) Миллий ўзлигимиз, фахр ва ифтихоримиз муҳрланган ушбу қутлуғ ва ...

“лўли” йигит ўзбекистон конституцион тузумини ағдаришда айбланди

Сурхондарё вилояти Денов шаҳар, “Қуёшли юрт” маҳалласи, Жаннатмакон кўчасида яшаган, миллати лўли (терговга оид ҳужжатларда шундай келтирилган) бўлган, 1987 йилда туғилган ...

Оқдарё туманининг яна бир порахўр суди 50 доллар билан қўлга тушди

Самарқанд вилояти Оқдарё тумани маъмурий суди раиси О.Ф. 50 доллар миқдорида пора олаётган вақтида қўлга олинди.  Бу ҳақда  ҳуқуқни муҳофаза қилиш органларига таяниб ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400