Бошқа мавзуларСўннги кунларда Венесуэллада юз бераётган намойишлардаги тўқнашувда камида 26 киши ҳалок бўлди, дея хабар бермоқда ҳорижий ОАВлари.
Бу орада Николас Мадуро президентлик ваколати тугагунга қадар лавозимини тарк этмаслигини билдирди. «Ҳукуматни 2025 йилгача бошқаришда давом этаман. Мени халқ ва армия қўллаб-қувватлашига ишонаман», — дейди Мадуро Олий суддаги баёнотида.
Мадуронинг айтишича, “мамлакат давлат тўнтариши қилаётганларга дуч келмоқда ва бунга қатъий қарши курашишимиз зарур, дея қўшимчалайди у.
Маълум бўлишича, чоршанба куни Венсуэллада йирик норозилик намойиши бўлиб ўтди. Муҳолифат етакчиси Хуан Гуайдо ўзини вақтинчалик президент деб эълон қилди.
АҚШ ва бошқа Лотин Америкаси давлатлари раҳбарлари Гуайдони тан олди. Россия эса Мадуро томонида эканини билдирди. Шунингдек Венесуэлланинг Суриядаги элчиси ҳам намойишларни қоралаб, бу кўринишни “Сурия сценарийси!”- деб айтди.
Мирзоулуғбек Каримов
