Аравондаги сув омбордан 3 метрли ўлик илон топилди

Қирғизистон Республикаси Ўш вилоятига қарашли Аравон туманининг Тўў-Мўюн овул ҳукуматидаги Жеке-Мисте қишлоғининг Ўзбекистонга чегарадош ҳудудида, аниқроғи Кампиробод сув омборидан узунлиги 3 метрлик илон топилди. Бу ҳақда «turmush.kg» сайти маълум қилди.

Қишлоқ ветиринари  Маматирайим Тажибаевнинг айтишича, илон Ўзбекистондан оқиб ўтган бўлиши мумкин.

«Икки кун аввал қишлоқликлар сув омборидан узунлиги 3 метр, йўғонлиги 30-35 сантиметрга етган ўлик питонни ушлаб келишибди. Ўзбекистонда биров боқиб юриб, ўлиб қолганидан сўнг ташлаб юборган деб таҳмин қилмоқдамиз», – деди ветеринар.

Илонни топиб олган қишлоқликлар маълумот беришни хоҳламади, уни сувга оқизиб юборишганини айтишди.