Ўзбекистонда кашанда ва пиёниста футболчиларни футболдан умрбод четлатишмоқчи

Зарарли одатларга муккасидан кетган футболчилар умрбод футболдан четлатилиши мумкин. Бу ҳақда Ўзбекистон футбол ассоциацияси биринчи вице-президенти Умид Аҳмаджонов маълум қилди.

Фото: Карикатура.ру

ЎФА матбуот хизматининг маълум қилишича, бундан буён махсус комиссия футболчиларнинг «спиртли ичимликлар ичиш, сигарет, чилим чекиш каби зарарли одатларга муккасидан кетмаслиги учун» уларнинг соғлом турмуш тарзига риоя этишларини назорат қилиб боради.

“Ҳукуматимиз мамлакат футболини оёққа турғазиш йўлида катта ҳажмдаги ишларни амалга оширмоқда. Мана шундай пайтда турли иллатлар орқали фақат ўз манфаатини ўйлайдиган, мамлакат футболи ривожига тўсқинлик қиладиган шахсларга нисбатан кескин чоралар кўрилади. Бундан ташқари, махсус инспекция томонидан футболчиларнинг соғлом турмуш тарзига қандай риоя қилаётганлари ҳам назорат қилиб борилади», — дея қайд этди ЎФА биринчи вице-президенти.

Умид Аҳмаджоновнинг таъкидлашича, «баъзи футболчилар машғулотлардан кейин тунги клубларда эрталабгача пиво ичиб, чилим чекиб вақт ўтказишади». Бу эса муҳим ўйинлар арафасида уларнинг жисмоний тайёргарликларига салбий таъсир кўрсатиши мумкин.

«Бу эса миллий терма жамоаларимизга ҳам халқаро майдонларда халақит қилиб келмоқда. Шундан келиб чиқиб айтишим мумкинки, ҳар бир футболчи аввало профессионал бўлиши керак. Биринчи навбатда жисмоний тайёргарлиги устида ўзи қайғуриши зарур. Лекин соғлом турмуш тарзига риоя қилмай, олаётган катта пулларини фақат маишатга сарфлаб юрган футболчилар махсус инспекция томонидан аниқланса, улар бир умрга футболдан четлатилади», — деди у.

Манба:Дарё Лайф

Бўлишинг:

Муҳаррир танлови

«бунёдкор» яна жар ёқасида. клуб автобуси олиб қўйилган, ҳисоб рақами ҳам «музлатилган»

Суперлига турнир жадвалида 4-ўринда бораётган Тошкентнинг «Бунёдкор» клуби яна қийин ҳолатда қолди. Tribuna.uz’нинг маълум қилишича, клубнинг ҳисоб рақами «музлатилган», ...

Осиё кубоги. хитой сенсация бўлишига йўл қўймади ва қирғизистонни мағлуб этди

Осиё кубогининг 1-тури доирасида Хитой - Қирғизистон учрашуви якунланди.   Учрашувнинг илк дақиқаларидан Қирғизистон термаси анчагина ҳужумкор ўйин намойиш қилди. ...

Осиё кубоги-2019. мардонавор курашган қирғизистон кичик ҳисобда мағлубиятга учради

Осиё кубоги 2-тур доирасидаги Қирғизистон - Жанубий Корея учрашуви тақдирини биргина гол ҳал этди. Ажойиб ўйин гувоҳига айланяпмиз. Қирғизистон терма жамоаси гарчи 5 ҳимоячи ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400