Ўзбекистон Автотранспорт корхонаси Қозоғистоннинг «Бишкек-Тошкент» йўналиши бўйича юрган автобус қатновини ўз ҳудуди орқали ўтказмай қўйгани бўйича баёнот берди.
Корхонанинг маълумоти бўйича, қирғиз томон қишги фаслга қарата қатновларнинг юриш вақтига ўзгаришлар киритиб, у Қозоғистоннинг Дарҳон қишлоғидан Бишкекка қатнаган халқаро автобус рейсининг вақти билан тўғри келиб қолган. “Шу сабабли Қозоғистон томони ўз ҳудуди орқали ўтувчи автобусларнинг юришини вақтинчалик тўхтатган. Ҳозирда ушбу муаммо бўйича уч томонлама музокаралар бўлмоқда”, — деб мутасадилар маълумот беришмоқда.
Баъзи бир норасмий маълумотларга қараганда қозоқ томони “Бишкек-Тошкент” йўналишидаги рейсга ўзининг йўловчи ташувчи компаниясини ҳам ўртага қўшишни талаб қилмоқда.
Қирғизистон билан Ўзбекистон Бишкекдан Тошкентга қатновчи рейсни 2018-йилнинг май ойида икки мамлакат ҳукуматларининг келишувлари асосида ишга киргизган эди. Ушбу рейснинг оралиғи 601 километрни ташкил қилади.