Ўзбекистон эркин бўлмаган давлатлар рўйхатига киритилди

Freedom House инсон ҳуқуқларини ҳимоя қилиш халқаро ташкилоти «Freedom in the world 2019» («2019 йилда дунёдаги эркинлик») номли ҳисоботни эълон қилди, деб ёзмоқда “Кун.уз” сайти.

Ҳисобот дунёнинг 195 мамлакатидаги вазиятни қиёсий таҳлил қилишни ўз ичига олади. Улардан 86таси (44%) эркин, 59таси (30%) қисман эркин, 50таси эса (26%) эркин бўлмаган, деб тан олинди.

Умуман олганда, ҳисоботда ташкилот дунёдаги глобал эркинликни салбий баҳолаган. Экспертларнинг фикрича, ўтган йил мобайнида жаҳоннинг 68 мамлакатида демократия ва сўз эркинлиги билан боғлиқ вазият ёмонлашди, бу ҳолат фақатгина 50та давлатда яхшиланди.

Freedom House’нинг таъкидлашича, глобал пасайиш 13 йилдан бери давом этмоқда. Ўтган йил мобайнида марказ эркин сайловлар ва мигрантларнинг ҳуқуқлари билан боғлиқ вазият сезиларли даражада ёмонлашганини қайд этди.

Шу билан бирга, ижобий ўзгаришлар ҳукуматлари халқнинг эркинликка интилиш истагига қулоқ солишга мажбур бўлган қатор мамлакатларда қайд этилган. Ўтган йили Ангола, Арманистон, Эфиопия ва Малайзияда тегишли жараёнлар содир бўлди.

Собиқ СССР давлатларидан қисман эркинлар орасида Арманистон, Грузия, Қирғизистон, Молдова ва Украина қайд этилган бўлса, Озарбойжон, Беларусь, Қозоғистон, Россия, Тожикистон, Туркманистон ва Ўзбекистон эркин бўлмаган давлатлар рўйхатига киритилди.

Freedom House Евросиё минтақасидаги сезиларли ўзгаришлардан бири сифатида Ўзбекистонда вазият яхшиланганини таъкидлаган.

«Бу мамлакат эркин бўлмаган бўлиб қолмоқда ва ҳатто энг ёмон рўйхатдан чиқмаяпти, бироқ қаторасига икки йилдан бери у ердаги вазият яхшиланмоқда, ҳукумат сиёсий маҳбусларни озод этишни давом эттирмоқда ва нодавлат ташкилотлар фаолиятига чекловларни юмшатмоқда», – дейилади ҳужжатда.

 

Бўлишинг:

Муҳаррир танлови

2018 йилда 26 минг 537 нафар ўзбекистонлик шенген визаси олди

Бугунги кунда Green Card муҳокамалар марказида бўлиб турган бир пайтда, Европа иттифоқи давлатларига чиқиш учун бериладиган Шенген визаси тўғрисида ҳам эслаб ўтмоқчимиз, ...

Бу йил 16 минг яманлик қочқинга айланди

Бирлашган Миллатлар Ташкилотининг Халқаро Миграция Ташкилоти Ямандаги миграция бўйича ҳисоботини эълон қилди. 2022-йилнинг бошидан буён урушлар туфайли 16 мингга яқин яманлик ...

Ҳиндистонда автобус иштирокидаги автоҳалокатда 13 киши ҳалок бўлди

Ҳиндистоннинг Махараштра штатида автобус ва контейнеровоз иштирокида ЙТҲда 13 киши ҳалок бўлди. Бу ҳақда  «ТАСС» хабарига таяниб "Дарё" ёзмоқда. Қайд этилишича,  транспортлар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400