Чикаголик ўзбеклар африкаликларни ичимлик суви билан таъминлайдиган қудуқ қазиб беришди

Чикагодаги ўзбек-америка ассоциацияси фаоллари Камерун аҳолисини ичимлик суви билан таъминлашга ёрдам бердилар. Бу ҳақда Sputnik нашри маълум қилмоқда.

Фото: Facebook / Uzbek American Association of Chicago

Чикагода яшовчи, ўзгалар муаммосига бефарқ бўлмаган ўзбеклар “Булоқ-3” номли хайрия лойиҳасини молиялаштириш учун маблағ тўплаш бўйича марафонни ишга туширдилар. Лойиҳа орқали африка минтақасида сув чиқариш иншоотини ўрнатиш белгиланган эди.

2018 йилнинг август ойига келиб, хайриячилар 4500 АҚШ доллари миқдорида маблағ тўплашга муваффақ бўлганлар. Бурғиланган қудуқ Камерундаги Бардап аҳоли пунктига ўрнатилган.

“Ушбу лойиҳани қўллаб-қувватлаган барча дўстларимизга миннатдорлик билдираман. Ушбу уюшма аъзоси бўлганимдан фахрланаман”, – деб ёзган ўз саҳифасида ассоциация иштирокчиси Фаррух Шамсутдинов.

Бу ассоциация кўмагида африка мамлакатларида ўрнатилган учинчи қудуқдир. Хусусан, ўтган йил май ойида чуқурлиги 4,5 минг метр бўлган артезиан қудуғи африкадаги Чад республикасининг Васси қишлоғида пайдо бўлган. У ерда 1700 киши истиқомат қилади.

БМТ маълумотларига кўра, бутун дунёда 750 миллион киши тоза ичимлик сувига муҳтож, уларнинг 37%и Африкада яшайди.

 

Бўлишинг:

Муҳаррир танлови

Закот ва фитрни энди мобил телефони ва интернет орқали тўлаш мумкин

Click ширкати “Вақф” меҳр-мурувват жамғармаси билан ҳамкорликда ҳайрия, вақф, закот, фитр, ушр, фидя тўловларини Интернет ва уяли алоқа тизими орқали амалга ошириш тизимини ...

Закот, фидя ва фитр садақаси кимларга, қачон ва қанча миқдорда берилади?

Рамазон ойи – баракали ой. Чунки унда амалга ошириладиган молиявий ибодатлар туфайли эҳтиёжманд кишиларнинг мушкули осон бўлади, хайр-эҳсон қилувчиларнинг молига ҳам барака ...

Пайариқ шаҳрида “аллоҳ” деган ёзуви бор қўзичоқ туғилди

Пайариқ шаҳридаги “Мустақиллик” МФЙда яшовчи Суннат Мардонов хонадонида қўзичоқ туғилди , деб ёзади «Zarnews».   Фото:«Zarnews» Унинг бир томонида “Аллоҳ” деб ёзилган. Туман ...